عنوان الموضوع : اهلي مب اجتماعيين وابي اتزوج لحياة سعيدة
مقدم من طرف منتديات الضمير العربي

السلام عليكم خواتي شخباركن

خواتي انا عمري ف العشرينات وبعدني ورده وانا اجوف ربيعاتي الي اصغر عني والي كبري
عرسن وعندهن عيال وحوامل اتمنى اكون مثلهن

انا وخواتي ابدا ابدا ما ننخطب دوووم افكر واسال ليش بس ما احصل عذر جدامي غير ان
نحن من اماره وعايشين ف اماره ثااانيه وابدا ما نعرف حد و امي ابدا مب اجتماعيه
ونحن عايله صغيره مانعرف حد وماعندنا عيال عمومه او عيال خوال

اتمنى احضر اعراس او اسير بيوت الناس اتواصل لاني اجتماعيه واايد بس ماعرف حد
احب سوالف الزيارات والتعارف واتمنى اتزوج بس ماعرف شو اسوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي بخبرج انا اعرف وحده
والله تقول لي ماحد يدق بابهم
وكل ما احد يشوفها ويسال عنها عقب يطيرون
رغم انها جميله واخلاقها حلوة وتعاملها مع الناس زين
وتخالط الناس

والله العظيم مره جلست تشكي لي
قلتلها اقري البقره بنية الزواج و استغفري الالاف المرات
تمت تقول اعرف ان نصيبي جيه خلاص
قلتلها جربي بس مب من باب التجربه لا
خلي ف داخلج ان الله يستجيب لج ومره تلاقينا
ف عرس
قلتلها كيف .. قالت يوميا اقرا البقره يوميا شهرين
واستغفر الالاف المرات ولما اقيم الليل
اقول ف سجودي
(حسبنا الله سيؤتينا الله من فضله انا الى الله راغبون)
تقول هالدعا 100 مره ف سجودها


اقسم لج بالله الذي لا اله الا هو
انها بعد شهرين تزوجت وخذها واحد وميت فيها عسى الله يهنيها
والشهر الماضي يابت اول مولوده بنوته حلوووووه
والحمدلله رب العالمين حسيتها مبسوطة

عقب قالتلي مافي افضل من البقره والاستغفار وهالدعا ف القيام

اوصيج بهالاشياء
اختي الزواج مايقتصر ع الطلعات والدخلات
هذا نصيب من الله يعني ﻻزم ترتبطي بالله وحده فقط


اسال الله الكريم رب العرش العظيم
ان يوفقج و نشوفج اجمل واحلى عروس يارب
ونسمع عنج كل مساميع الخير حبيبتي

__________________________________________________ __________

>>>> الرد الثاني :
الله يوفقك
احنا في شهر رمضان وللصائم دعوة لا ترد استغلي هذه الهبه الإلاهية

__________________________________________________ __________

>>>> الرد الثالث :
ان شاءالله رب العالمين بيرزقج بالزوج الصالح ان شاءالله

__________________________________________________ __________

>>>> الرد الرابع :
الله يرزقج بالزوج الصالح والذرية الصالحه. وجميع بنات المسلمين

__________________________________________________ __________

>>>> الرد الخامس :
نفس ما قالت اختي معاذير20
الاستغفار وسورة البقره
وأنا نفسج تقريبا أهلي مب اجتماعين ونادر أشوف الناس خخ
وأنا مجربه من بداية هالسنه داومت على سورة البقره والاستغفار و الحين يوني خطيبين ومحتاره
و الحمدلله
نصيحه دوامي ع الاستغفار وسورة البقره وخلي أملج بالله كبير
وبالتوفيق