عنوان الموضوع : أبناء المطلقات لحياة سعيدة
مقدم من طرف منتديات الضمير العربي
السلام عليكم
حبيت أناقش اليوم موضوع
مرة وانا في الدوام سمعت وحدة تتكلم عن موضوع شدني بصراحة و هو لما تكره المطلقة عيالها بسبب طليقها أو بالأصح كرهها لطليقها لدرجة توصل للضرب أو التعديب
بيني وبينكم كان خاطري اتدخل بس قلت خلني بعيد لاني ما احتك بها الحريم وايد
انتوا شو رأيكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يلوم اللي يلومها.... نحن ما نعرف اشكثر هاي عانت من ريلها.... ما تعرفين الاهانات اللي عاشتها والعذاب.... ترى الحرمه إنسانه ضعيفة صعب تعيش وتتحمل المسئولية بدون الريال.... وبعدين حرمة عن حرمه تفرق... في حرمه تتطلق لكن تذبح عمرها عشان تكسب حضانة عيالها وتربيهم.... لكن في حريم يكرهن حياتهن وأحيانا يفكرن بالانتحار لولا الخوف من الله وتعاليم دينا الحنيف يحرم ها الشي.... أنتو انصحوها ولا تلومونها بس هي محتاجه توجيه لأن أكيد التجربة اللي مرت بها صعبة للغاية ويمكن هي حست بخذلان من أهلها بعد.... أنتوا بينولها أن حنان الأم مهم للأطفال وباجر إذا كبروا بيشيلونها وبيعوضونها الايام القاسية وبتنسى قسوة زوجها وبيستوي ماضي وبس...
__________________________________________________ __________
>>>> الرد الثاني :
مهما يصير مع الطليق الحرمه لازم ماتكره عيالها ليش العيال شلهم الابو تسع شهور ولا الام ودامها تطلقت وافتكت من شره ليش بعد تعذب عيالها شو بتستفيد اصلن اذا خبله تروح اتعالج والحمدالله انه اللحين حتى فالمدارس والمستشفيات يكتشفون اثار الاعتداءات ويبلغون ع طول حتى لو كانت ام الطفل
__________________________________________________ __________
>>>> الرد الثالث :
شو يخص اليهال بالأبوا قاسي ولا طيب هاي ألحرمه أكيد مرضت نفسيه
__________________________________________________ __________
>>>> الرد الرابع :
ام ربيعتي ذابحة عيالها ضرب وإهانة وتفرهم بالشارع
وفوق ها تدعي عليهم
والأبو متزوج وحدة ثانية ولامفتكر بعياله ومتنازل عنهم
ما ابي اعلق عالام احتراما لكم
__________________________________________________ __________
>>>> الرد الخامس :
رد مع اقتباس
