عنوان الموضوع : هل اطلب الطلاق؟ لحياة سعيدة
مقدم من طرف منتديات الضمير العربي
السلام عليكم .. اشحالكم خواتي
بختصر الموضوع واتمنى اتخبروني هل الموضوع يستاهل الطلاق او لا .
انا ملجت من سنة واتفقنا انعرس بعد سنة بسبب ظروف العمل لان شغله برع البلاد وكان بيسافر تقريبا 6 شهور . والحمدلله كنا مرتاحيين مع بعض عقب فتره ما قام يسأل عني مكالماته قلت وما يرد علي يتجاهل مسجاتي ومسحني من البي بي تقريبا 3 شهور على هالحال ولما اسأل اهله عنه يقولون مانعرف وينه ولما رحت بيتهم ما لقيته. عقب طرشلي مسج يتعذر ان اهله ما يبوني وهو مب عارف شو يسوي قتله شو السبب ما يبوني قال ماعرف المهم ما يبوني اخذج قتله وانت شو بتسوي قال انا ابيج وبتصرف قلت اوك وعقب شهر تقريبا امي خبرتني انه بيتزوج قتلها لا مستحيييل راوتني بطاقة عرسه انصدمت عقب اتصلت فيه ما رد كلمت اخته قالت هي بيتزوج وهو كان مالج نحن ماندري وقال ابيها وباخذها قتلها بس هو قالي انتوا ما تبوني حلفت انه جذاب وهو يباها ومالج عليها وهم مايدرون وابوها وامها مب راضيين حطهم في امر الواقع.. وانا خلاص ما يكلمني ولا اكلمه وما يصرف علي ما يعرف عني اي شي وضعي حاليا معلقه.. اذا طلبت الطلاق بيقولون الشرع حلل اربعه بس هو ما يسأل عني ولا يعطيني اي حقوقي وقتله اذا ما تباني طلقني واتزوج بس مب تخليني في الملجه وتسوي عرسك مب حلوه في حقي قال تمي ع ذمتي اذا ما تبين ابرايج .. الحين مب عارفه شسوي هل اذا طلبت الطلاق لازم ارد المهر والشبكه وهل الامور ؟ وهل القاضي بيطلقنا في هالحاله انه ما يعرف عني اي شي؟؟
فيدوني الله يخليييكم ماعرف للمحاكم وشكرا ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
طبعا تتطلقين ما يحتاج لسؤال اساسا هو ما يريدك ومتزوج و متهني و انتي لسة بتسالي و خلي المهر و الشبكة في ستين داهية
__________________________________________________ __________
>>>> الرد الثالث :
حسبي الله ونعم الوكيييل
شي يعور القلب ...بس ما يجوز اقولج تطلقي
خلي هلج يرمسووون اهله ...والله يجبر قلبج
__________________________________________________ __________
>>>> الرد الرابع :
__________________________________________________ __________
>>>> الرد الخامس :
أختي الله يعينج . أهلج لازم يوقفوا موقف صارم من ريلج , يا يتزوجج وياخذج بيته ويعطيج حقوقج أو يطلقج ويسرحج بإحسان . أما أتمي معلقة فهذا الوضع ما يرضي حد.أكيد القاضي بيسمع لج , فأنت مظلومة وأكيد بتكون فيه جلسات صلح , شدي حيلج أختي , لازم تتحركي وما تمي على هذا الوضع .
رد مع اقتباس
