عنوان الموضوع : المطلقات او لمن يعرف مطلقة للسعادة الزوجية
مقدم من طرف منتديات الضمير العربي
مرحبا خواتي
بغيت اسالكم شو الدعم الي تقدمه الدولة للمطلقة؟؟
وهل تعرفون حريم اطلقن بس عشان يحصلن ع هذا الدعم؟؟
او تشجعت انها تتطلق لانها عارفة ان بتحصل شي من الدوله؟ وما بضيع حقوقها
لاني سمعت ان حريم يطلقن عشان يحصلن بيت؟
ياليت تفيدوني لان الموضوع مهم بالنسبة لي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي صح في وايد سوّن جذي
تخرب بيتها عشان تحصل علي بيت!!!
زوجها اولى ان يكون هو بيتها وسترها
الحين " القوانين تغيرت " ومافي خلع
اللي تبا تخلع زوجها ما تقدر
اللي تبا تطلّق " للضرر " تقدم في التوجيه الاسري وما في طلاق يكون قبل ستة شهور
طبعاً في التوجيه الاسري يحددون لهم جلسات
اذا اصرّت الزوجة على الطلاق للضرر يحولونها محكمة ساعتها بس تقدر توكل محامي او محامية
وحقوقها تاخذها من " طليقها " واللي هي كالآتي:
المؤخر " إذا موجود في عقد الزواج"
حق المتعة "فلوس لأن زوجها دخل عليها"
نفقة العدّة "مصروف لفترة العدّة"
إذا عندها اطفال منه:
زيادة على اللي ذكرتهم فوق لها
نفقة حاضنة "أجره لها لتربيتها عيالها ولازم يكونون في حضانة الأم"
مصاريف استقدام وراتب خادمة
سيارة او بدل نقدي
سائق وراتبه
سكن او بدل سكن نقدي
مصاريف و فواتير خط هاتف وخط انترنت وماء كهرباء
نفقة الأولاد لهم ولدراستهم" اذا هم في مدارس خاصة من الأساس يكمّل لهم رسوم الدراسة لكن لو هم في الحكومي من الاساس صعب انها تنقلهم بعد الطلاق خاصة عشان تطلب لهم مصاريف دراسة
هم يشوفون الوضع قبل الطلاق
هذا اللي تذكرته
يعني اللي تحصله المطلقة من دعم يكون من طليقها
يكسرون ظهره المسكين خخخ
__________________________________________________ __________
>>>> الرد الثاني :
للرفع
__________________________________________________ __________
>>>> الرد الثالث :
اللي قالج هالكلام تتفلسف عليج
وحده عايشة مع ريلها مرتاحه وماكله وشاربه تطلق بسبب بيت لو عنده ما بيقصر واذا اطلقت بسبب هالشي ما عندها سالفة
اللي تطلق تتبهدل اخر بهدله
للطلاق قضيه وكم مرة تتحول او تتأجل يحاولوهم لمصلح اجتماعي يمكن عل وعسى يهونوا
للنفقة قضيه ويالله اذا الريال مديون ييب ورقه مديونيه وييب ورقه اقساط السيارة وكل مرة شي ناقص وتتأجل لين ما خلاص يمين ويسار ويعطوها مبلغ
الخدامه والطلبات الثانية هذي روحها قضيه ويبالها محامي شاطر
الحين البيت هي ما بتطلق اليوم وبتحصل على بيت يبالها سنين ومن يطلع اسمها تتريا الارض ولين تبني البيت وسالفة بنى البيت روحها عوار راس الرياييل ينقص عليهم كيف حرمه ومن يخلص البنيان وملكيه البيت ما تظهر بسهوله يبالها اجراءات
انزين وشو بعد هي اذا قدمت على طلب بيت بيطلبون اوراق من المحكمه والبلدية والكهرباء والماي انها ما عرست بعد طلاقها وما تملك بيت او وما عندها اي دخل ثاني
اوه وايد اشياء والله يعينهم يكفيها تربية عيالها الحرمه اشكثر بتتحمل هي تربي وتتعب وتكبر والله يأجرهم على الصبر والتعب
__________________________________________________ __________
>>>> الرد الرابع :
المشاركة الأصلية كتبت بواسطة الوردة الجورية
اختي صح في وايد سوّن جذي
تخرب بيتها عشان تحصل علي بيت!!!
زوجها اولى ان يكون هو بيتها وسترها
الحين " القوانين تغيرت " ومافي خلع
اللي تبا تخلع زوجها ما تقدر
اللي تبا تطلّق " للضرر " تقدم في التوجيه الاسري وما في طلاق يكون قبل ستة شهور
طبعاً في التوجيه الاسري يحددون لهم جلسات
اذا اصرّت الزوجة على الطلاق للضرر يحولونها محكمة ساعتها بس تقدر توكل محامي او محامية
وحقوقها تاخذها من " طليقها " واللي هي كالآتي:
المؤخر " إذا موجود في عقد الزواج"
حق المتعة "فلوس لأن زوجها دخل عليها"
نفقة العدّة "مصروف لفترة العدّة"
إذا عندها اطفال منه:
زيادة على اللي ذكرتهم فوق لها
نفقة حاضنة "أجره لها لتربيتها عيالها ولازم يكونون في حضانة الأم"
مصاريف استقدام وراتب خادمة
سيارة او بدل نقدي
سائق وراتبه
سكن او بدل سكن نقدي
مصاريف و فواتير خط هاتف وخط انترنت وماء كهرباء
نفقة الأولاد لهم ولدراستهم" اذا هم في مدارس خاصة من الأساس يكمّل لهم رسوم الدراسة لكن لو هم في الحكومي من الاساس صعب انها تنقلهم بعد الطلاق خاصة عشان تطلب لهم مصاريف دراسة
هم يشوفون الوضع قبل الطلاق
هذا اللي تذكرته
يعني اللي تحصله المطلقة من دعم يكون من طليقها
يكسرون ظهره المسكين خخخ
طبعاً خواتي في المحكمة مابيخبرونج ان هذي حقوقج ولا حد بيطلب لج هذي الحقوق
اذا ماتصالحوا الزوجين في التوجيه الاسري واصرت الزوجة على الطلاق تتحول محكمة وقبل ماتتحول بيسألج المستشار شو طلباتج:
تصفّين له كل هذي الطلبات مرة وحدة
اذا حددتي اشياء معينة وبعدين اكتشقتي ان لج حقوق ثانية تسوين قضية ثانية تطالبين بحقوقج
يعني خلي كل طلباتج في ملف واحد عشان يخلصونهن مرة وحدة مع بعض
بس تذكروا اللي تطلب الطلاق من زوجها بغير سبب ماتدخل الجنّة
جاء عنه -صلى الله عليه وسلم- أنه قال: (أيما امرأة سألت الطلاق من غير ما بأس لم ترح رائحة الجنة)
__________________________________________________ __________
>>>> الرد الخامس :
صح كلامج ....انا بعد اعرف وايدات مسوين جذي.
رد مع اقتباس
