عنوان الموضوع : ليش نحن شو فينا ؟ لسعادتك
مقدم من طرف منتديات الضمير العربي

مسا الخير عزيزات وخواتي الغاليات ....

شحالكم عساكم بخير ؟

صارلي فترة طويله ما دخلت المنتدي واول قسم لازم امر عليه هنيه عشان اخذ اخباركم واتطمن عليكم ....

انزين ليش نحن شو فينا ؟؟

يا ناس مب فاهمه حركات الحريم الي يدورون عرايس حق عيالهم ...

يعني ربيعتج عندها بنات في سن الزواج تسآلينها تعرفين حد عنده بنات ؟

امس الوالدة تخبرني عن ربيعتها تدور عروس حق ولدها ...وين المشكله ؟

توصي الوالدة تدور لها او تدلها ع ناس عندهم بنات ....

انزين ونحن ؟ يعني والله العظيم مب اول مره تستوي لنا ....

ومن جريب استوي لي موقف نفس الشي جدامي يغزوني بالرمسه وحدة توصي ربيعتها تدور لولدها وانا يالسه حذاهم وانا زميلتهم ..

اذا الاهل خلاص انقرضو وكل حد دور نصيبه والمعارف يشوفونا جدام عينهم ويدورون بعيد...

اصلا حركه مب حلوه ...يا اختي في خطابات ..تدور لج ع البنت الي تدخل مزاجج ...وبالمواصفات المطلوبه ...

نحن مب حساسات يعني عادي فاهمين ومتقبلين انه الزواج قسمه ونصيب بس يا اختي راعي مشاعر الغير مب لازم اطلب من الحريم يدورون لي عروس لولدي وهم عندهم بنات ....

حسيت بغصه في قلبي مب لاني ميته ع ولدها لكن قهرتني الحركه نفسها تتكرر لنا ...

وامي ونحن نسكت ما نقول شي وهم اصلا ينغزون بالرمسه ....

مع انه ربيعاتها يعرفونا من يوم ونحن كتاكيت ويعرفون امي كيف ربتنا بس سبحان الله هو تعمد او بدون قصد يجرحونا ..



والي تقول يمكن ما يناسبج ...اتمنى تفهمون قصدي من الموضوع ...

ليش هل الحركه تتكرر لنا ؟!

ليش نحن شو فينا ؟؟

وانا متاكدة في بنات نفسي بالضبط ...


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يمكن ولدها يبا مواصفات ثانية مب فيكم ( ظويلة قصيرة مليانه بيضا شعرها طويل ))
وممكن في اسباب ثانيه

زين سويتو .. طنشوا ... وماحد بياخذ غير نصيبه ... الله يرزقك كل العزابيات ازواج صالحين

__________________________________________________ __________

>>>> الرد الثاني :
حبيبتي فعلن احيانا يبغون مواصفات محدده .. بس بنفس الوقت احس فيها شوي قلة ذوق .. شوي مو وايد ههه .. الله يرزقج بالزوج الصالح يارب جريب

__________________________________________________ __________

>>>> الرد الثالث :
الله يرزقج باللي احسن اختي قسمه ونصيب مثل ماقلتي واللي له نصيب بياخذه بس صدقج بعد ماحلوه منها هالحرمه اطرش امج الله يهديها

__________________________________________________ __________

>>>> الرد الرابع :
جوابي مثل ما قالو بعض الخوات
ان المعرس نفسه اوقات يكون طالب من امه او اخته مواصفات معينه بالعروس, يتحرى عمره بيشتري شي بمواصفات معينه!
لكن المفروض من الأدب والذوق ان الي يدورون عروس ما يسألون احد عنده آنسات في سن زواج , ولكن الناس أجناس ..!
ولا تفكري انتي وحدك مريتي بهالتجربه ,لا يا اختي انتو ما عليكو الا العافيه والكل معرض لهالموقف , فلا تفكرين الموضوع شخصي , انتي بس تجاهلي الموضوع
انتي جوهره ثمينه والي بيقدر قيمتك بعده ما اندل على بابك , وان شا الله بيدقه عاجل غير آجل يارب العالمين

__________________________________________________ __________

>>>> الرد الخامس :
هو طريقة والاسلوب غلط ........اكيد

بس مثل ماقالن الاخوات جميعاً ........يدورون على مواصفات معينه


تعرفين بتضحكين على قصتي

مره واحد يعرف امي .......واتصور متزوج

يسال امي اذا تعرف وحده تشتغل مدرسه عشان يتزوجها عشان راتبها........

بهذه الصراحه وانا بنتها ومب متزوجه مافكر بالموضوع........عشان المصلحه .......

يعني في ناس تدور المصلحه


انا بعد مرات يسالون امي ويسالوني ......وانا مارد عليهم واقول ان شاء الله بسال ........اذا اعرف حد اخبره ماعرف اطنش

بس في منهم يتقصدون ......مرض عندهم يعني نفسيه

في ناس عادي مب قصدهم شي


انتي اختي مفروض ماتتحسسين من شي


قسمة ونصيب لو هم ناس زينه كانوا طلبوا من الاول ..........نصيبك بيكون سييييييييده مافيها لف ودوران ........وان شاء الله نسمع اخبار حلوه عنك اختي .......