عنوان الموضوع : شو احسن نوع موزاريللا ؟؟؟؟
مقدم من طرف منتديات الضمير العربي



مرحبا بالسيدات والانسات



عندي مشكله مع جبنة الموزاريللا

يوم اسوي بيتزا ما تذوب نفس قبل .. بس تتيبس وتحمر واهي متيبسه مادري ليش؟؟

مع اني اشتري نفس الانواع اللي قبل

فاللي عندها نصيحه ولا تعرف نوعية ممتازه ياريت تخبرني

على فكره ... انا ساعات اجمد الجبنه وساعات لا
قبل تضبط 100%
بس الحين لا ؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
روحنا نعاني من نفس المشكله

__________________________________________________ __________

>>>> الرد الثاني :
والله انا بعد أعاني نفس المشكله،، اتوقع الجبنة اللي مبشرينها روحهم هاي ما تنفع،،،خذيلج الجبنه اللي ما تكون مبشورة وابشريها في البيت انا فكرت اسوي جيه يمكن يكون هذا الحل وخبريني بعدين

__________________________________________________ __________

>>>> الرد الثالث :
جربن جبنة فرسان .. هي تيي قطعه وحده تقريبا وزنها كيلو .. اشتريها من كارفور وين ايبيعون الأجبان والمرتديلا بالكيلو .. حلوه واتذوب وطعمها حلو .. قطعي منها والباقي غلفيه زين بالنايلون ...وسعرها ب 19 درهم .. انا يوم ألقاها على طول آخذ منها لأن مب دوم تنلقى تخلص بسرعه..

__________________________________________________ __________

>>>> الرد الرابع :
خواتي لاتاخذن المبشور خذن القطعه الكامله وبشرنها بروحكن لآن المبشوره حاطين شي مثل الطحين عشان ما يتلاصكن

__________________________________________________ __________

>>>> الرد الخامس :
احسن شي الي بالكيلو وانتي تبشرينها انا كنت اعاني نفس الشي بس الحين لا بس ها لا تاخذون البقرات الثلاث تراها دانمركية خذوا المراعي احسن شي