عنوان الموضوع : ممكن طريقة ورق العنب حلوووووووو .. للمطلقة
مقدم من طرف منتديات الضمير العربي
السلام عليكم...
الصراااااااحه انا واااااايد احب الورق عنب...بس ماعرف كيف اسويف
يعني لو ممكن يا بنات اللي تعرف تكتبلي الطريقه بالتفصيل...من المقادير والمكونات...
كيف اسوي العيش وشو احط معاه واذا فيه خلطه كيف؟؟وكم احطه ع النار...ويوم اقدمه شو اصب فوووووووقه
بلييييييز اباه يكون لذييذ...
اترياااااااااااكن بنات ع احر من الجمر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممكن بعد طريقة اللف...
ولو تحطولي صور توشيحيه وااااااايد زين
وسمحووووووووووووولي وايد تطلبت
__________________________________________________ __________
>>>> الرد الثاني :
تفضلي حبيبتي هاي الطريقه ( طبعا بطريقتي الخاصه وبعض من اضافاتي )
ةواذا باجر سويت بصورلج كيف ^_^
فالزيت
اتحمرين بصل بعدين كزبرة + بقدونس وبعدين اتخلينه يطبخ
بعدين اتحطين طمام مظروب بالخلاط وبعدين يطبخ شوي اتحطين فوقه كركم وبزار
واتحطين ملح وليمون واتحطين العيش واتخلينه يطبخ
لين ينشف الماي ويلييين نص لينه يعني نص طبخ مستوي
واتلفينهم داخل ورق العنب
الحين الخلطه الي فوقه ينحط
اتحمرين بصل+ ثوم واتحطين طماط مظروب بخلاط + وكوب ليمون و3 كوارتين ماجي المكعبات + فلفل حار ثلاث رووس على حسب ماتبين + نص كوب زيت زيتون والملح
وانتي على حسب ذوقج اذا زادت الحموضه زيدي ماي واذا قلت زيدي ليمون وخليي يطبخ عدل
عقب حطي هالخلطه فوق الورق عنب عقب ماتلفينه واتحطينه فالجدر عقب سكري الجدر وخليييه يطبخ لين يستوي ورق العنب
والعيش يكون المصري طبعا
وبالعافيه عيوني
__________________________________________________ __________
>>>> الرد الثالث :
مشكووووووووووووووووووووره فديتتتتتتتج ...بس عندي سؤال
اللي سويناه فالزيت البصل والكزبره والطماط المظروب ..والخ....بعدين تخلطه مع العيش ولأ لا؟
واخر شي يوم نحط الورق عنب ع النار..نحط بطاطس فالجدر..؟؟ هذا اللي سمعته..
ومشكوووووره مره ثانيه واذا بتسوين صووري اذا ما عليج كلافه
__________________________________________________ __________
>>>> الرد الرابع :
حطي بطاطس ف قاعة اليدر يكون افضل .. و فوقه ورق عنب و عقب الخلطه و سكري اليدر بغطاه اصغر بحيث ان الغطاه ادش و ترص على ورق العنب و عقب حطي شي ثقيل عليه .. عشان يتم ثااابت لين يخلص طبخ ..
بغيت بس افيدج يوم شفت ما شي رد ^^
__________________________________________________ __________
>>>> الرد الخامس :
هيه تخلطينه مع العيش
ونفس ماقالت الاخت الي فوقي
البطاط ينحط تحت نسيت اقولج لاني كنت اكتب بسرعه
واذا في اي سؤال طرشيلي رساله برد عليج لانه الموضوع ما احصله الا غصب
والسموحه
رد مع اقتباس
