عنوان الموضوع : الله يخليكم ساعدوني للارامل
مقدم من طرف منتديات الضمير العربي




شخباركم خواتي


انا عقب اسبوع بظهر بيت روحي ان شاء الله

اعرف اطبخ كل شي والحمدلله

بس اهم شي ما اعرفه

دلة شاي حليب ودلة القهوة

الله يخليكم كتبوا الماي بالمقياس وكل شي


ويزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
معقولة ما احد يعرف

__________________________________________________ __________

>>>> الرد الثاني :
هلا اختي يسرني اني اول وحده ارد عليج وبيت الهناء يراب والله يهنيج ف بيتج اليديد ... قصدج تبي تعرفي كيف تسوين شاي وقهوة شوفي انا تراني مب خبيرة وايد بس امشي الحال ههههه يعني يوم ماحد بشكارة احاول اسوي بروحي اول شي قيسي الماي ع حسب الدله لشاي الحليب... يعني حطي ماي ف الدله وبعدين حطيها ف البريق وع النار عطووول وبعدين خلي لين يفوح الماي وحطي فنجان سكر وبعدين ورق ملعقتين ونص صغار وبعدين من يفوح حطي عليه حليب ابو القوس وحطي هيل يطلع شاي كرك ههههه والقهوة حطي نفس الشي قيسي ماي ف الدله وبعدين من يفوح الماي حطي فنجان ونص بن وهيل واذا تبي زعفران وخلاص بس يوم بتخلي مسكرة النار انتظري لين البن ينزل تحت وبعدين حطيه ف الدله وبصحه والعافيه والسموحه...

__________________________________________________ __________

>>>> الرد الثالث :
مثل ماقالت اختي صلى على الرسول ( عليه الصلاه والسلام)

بس مب تحطين الماي فل لا اقل عن الفل بربع وشكر حطي شوي شوي لين توصلين للحلاه اللي تحبينها

والقهوه لكل دله سعه العاديه مب الصغيره فنيان وشوي قهوه وتحطين بعد زياده داخل دله زعفران وماي ورد و هيل خشن

وبس

__________________________________________________ __________

>>>> الرد الرابع :
حبوبه شوفي حطي الشكر شوي واطعمي الجاي شوفي اذا طعمه حلو وشوي شوي زيدي بس عقب مايفورلان الفوران الشكر بيذوب عدل
والقهوه نفس الشي حطي ماي وقيسيه فالدله عشان مايزيد عندج وعقب ماتفور حطي القهوه وجي
مادري اذا الفكره وصلت

يعني لاتلتزمين مثلا فنجان ولا فنجانين ولا هالامور
انا امي للحين تتطعم الجاي وتشوف تزيد شكر ولا لا

__________________________________________________ __________

>>>> الرد الخامس :
بالنسبة لقياس الدلة المتوسطة اللي تييلج نفس طول علبة الكلنكس العادية

الشاي : أحط فنيان سكر فالإبريق أو الجدر وخليه يذوب شوي بس انتبه لا يحترق ثم أضيفي عليه 2 م ك " طعام " ، وعلى طول أضيف الماي أكثر عن قياس الدلة بنص كوب تقريبا وخليه يغلي 15 دقيقة تقريبا ، ولما تشوفين خفت نسبة الماي أضيفي حليب أبو قوس وخليه يغلي براحته على نار هادية ...

الإضافات للشاي : زعفران مع هيل وقت الغليان أو زنجبيل مبشور فقاع الكوب أو يكون بنكهته بدون أي إضافات ...