عنوان الموضوع : طلبني وما رديته (( شوفن السحور اللي سويته حق ريلي وربعه)) للمطلقة
مقدم من طرف منتديات الضمير العربي

السلام عليكن بنات وحريم..
صبحكن الله بالايمان ومبارك عليكن الشهر جميع

سلمكن الله السالفه ان زوجي العزيز طلب مني البارحه وفي وسط الربشه والاستعداد للفطور اني أسوي له سحور عشان يوديه معاه الدوام ؟!!!! أنا هني بققت عيني

لا لا لا مستحيل يا بو الشباب أخلص في الوقت وانت بتظهر من راك الساعه 10 المسا وطبعا الوجهه المعتاده بالنسبه لريايلنا ....اللي هي العاصمه في مقر شغله

آآآخ شو ها الورطه يا بنت؟؟؟؟؟

على طول ظهرت اللحم المفروم وحطيت قايمه بالاشيا اللي بسويها واشتغلت بايدي وريلي هههه لا لا لا تصدقون بريلي عاااد لا يقرا بو العيال ويحرم ياكل من وراي........

المهم على طول اشتغلت في العجينة العجيبه طبعا عجينة العشر دقايق يحليلها هذي العجينه شدت حيلها معاي عالأخير.....
ما أطول عليكن بس كنت صدق أسابق الزمن على قولتهم

المعكرونه بالبشاميل
[IMG][/IMG]

الميني بيتزا + بيتزا الجبن بالنعناع(طلب بو العيال)
[IMG][/IMG]

خلية النحل اللذيذة امممم+ميني كروسون الجبن
[IMG][/IMG]

وطبعا الحلو بسبوسه وريلي انصدم لما شافها ......ما توقع أسوي سويت
[IMG][/IMG]

وبعد كنت مسويه من قبل كرات التمر بالسمسم وجوز الهند والطعم ما يحتاي بعد بس نسيت أصوره

وفي الأخير ظهر بو العيال الله يحفظه وعلى الفير وصلني المسج
[IMG][/IMG]

زين برد فوادي به الكلمتين كنت أحاتي وايد يطلع الطعم خربطيشن بس الحمد لله

والسموحه منكن أنا خذت الصور على السريع .......
وأخليكن الحين ...حبايبي ولكن حرية التعليق .......

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماقصرتي وبيض الله ويهج

الله يخليكم لبعض ويسعدكم


__________________________________________________ __________

>>>> الرد الثاني :
وااااااااااااااااااو
عيل انا كل يوم من الساعه 3 لين 9 العشا في المطبخ اسويله الفطور والسحور للخيمه ولا قالي شكرررررررررررررا
اهيء اهيء اهيء

__________________________________________________ __________

>>>> الرد الثالث :

المشاركة الأصلية كتبت بواسطة لورا
ماقصرتي وبيض الله ويهج

الله يخليكم لبعض ويسعدكم





فديتج والله
أشكرج على الدعوه الطيبه

__________________________________________________ __________

>>>> الرد الرابع :

المشاركة الأصلية كتبت بواسطة سوارة
وااااااااااااااااااو
عيل انا كل يوم من الساعه 3 لين 9 العشا في المطبخ اسويله الفطور والسحور للخيمه ولا قالي شكرررررررررررررا
اهيء اهيء اهيء



هاااا أشوف اشتغل الحسد هني ههههه لا أسولف
حبيبتي والله سواره انتي مهلكه عمرج في المطبخ من 3 لين 9؟؟؟
عاقبيه مره ولا تسوين له ..... ليش هم يتحسبونا مكاين ما نحس بالتعب ولا شو؟؟؟؟ جان احتر عليج

__________________________________________________ __________

>>>> الرد الخامس :
الله ^^
يا سلام شكله لذيذ << يمي يمي
تستاهلين هالمسج وأحلى بعد
الله يخليكم لبعض