عنوان الموضوع : توبة ... ميتة من القهر للمطلقة
مقدم من طرف منتديات الضمير العربي
بسم الله الرحمن الرحيم
السلام عليكم و رحمة الله و بركاته
يا حياكم الله أمس كنت قاعدة أقلب بصفحات المنتدى.. كالعادة .. أدور أكله أجربها
و شفت موضوع لوحده "الله يسامحها دنيا و آخره" حتى نسيت اسمه الموهيم عجينة فطاير بالجبنة
و الأخت ما حاطة صورة التطبيق و لا حتى النتيجة النهائية يعني مغامرة
و صار ان بعلي العزيز مرض الله يجيركم "الجدري" و طلع من البيت عشان لا يعدي اليهال و يت عمتي تسد مكانه
لأني بروحي حتى شغالة ما عندي.
مرة ثانية نرجع للموهيم
شديت الحيل و شمرت ذراعي و قلت "عمتي أنا بسير أسوي لج عشا"
و الصدمة الكبيرة طلعت العجينة متروسة زيت و ترييت عليها تتخمر و ما تخمرت
و انهبلت على عمري و دخلتها الفرن
و من الفرن إلى الزبالة
و عشيت عمتي تخيلوا شو عشيتها
شوربة و ما شربتها لانها تسوي ريجيم
و خبز
و روب
و جبن
و قيمر
و انا مفتشله فيها و ميته من الحرة
و قلت توبة أطبق أكله بدون ما أشوف صورتها.
آخ فضفضت شوي من القهر اللي فيني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المفروض تخلين الخميرة تتخمر قبل لا تحطينها مع مكونات العجينة على شان تتاكدي اذا الخميرة صالحة ولا لا لانها اهم شي للعجينة
مرة ثانية قبل لا تعبي عمرج حطي كوب فيه ماي حار وشكر وخميرة ودخليها في الفرن طبعا الفرن مب شغال بس يعني مكان مصكر على شان تتخمر بسرعة
ولم تتخمر استعمليها
للعجين
يالله دوم كانت تصير وياي هههههههههههههه بس تعلمت ما استعجل واشوف الخميرة اذا اوكي ولا لا
__________________________________________________ __________
>>>> الرد الثاني :
الله يعينج
بس بشكل عام ابدا لا تجازفين بوصفات ماجربتيها في وقت الازمات
الاشياء اليديدة يوم تكونين فاضية حبتين جربي كل مرة شي
اما لعمتج ولضيوفج وحتى لريلج وعيالج سوي الشي اللي تأكدتي انه ضبط وياج
وبالتوفيق الغالية في المرات الياية
__________________________________________________ __________
>>>> الرد الثالث :
ماعليه حبيبتي ياما صارت لنا هالسوالف بس نطنش
انا مستحيل اجازف اسوي اكلة بدون لا اشوف التطبيق بالصور
ماعليه حبوبة لا تكبرين الموضوع و حلولي المرة الياية تعزميها و تكوني مجهزة كل شي عشان ما تتوهقين عقب
__________________________________________________ __________
>>>> الرد الرابع :
عادي حبيبتي بس كان المفروض تطبقيها قبل العزومه عشان تشوفي بتضلط ولا لالالا بس عادي بتصير
__________________________________________________ __________
>>>> الرد الخامس :
رد مع اقتباس
