عنوان الموضوع : منوة تعرف طريقه دجاج سبايسي نفس المطاعم وبدعيلها من قلبي للارامل
مقدم من طرف منتديات الضمير العربي
هلا خواتي
عيالي ملعووزيني ويحبون اكل المطاعم وخصيصا الزنجر والياي السبايسى
خاطري اسويلهم بالبيت علي الاقل اكل صحي ولا اكل المطاعم الي مامنه فايدة
يمكن خلطات كنتاكي وماكدونالدز صعبه الواحد يعرفهاااا بس الكافتريا والسندويجات الي يسونها اكييد طريقتها سهله
منوة بتعلمني وبدعيلها من كل قلبي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جربي هالطريقة وخبرينا
افركي صدر الدياي بالماجي وبعدين غمسية في الطحين المتبل بالملح والفلفل الاحمر(لوعندج بصل بودرة وثوم بودرة حطيهم) ورشة شكر مطحون
ثم. بالبيض. ثم بالطحين مرة ثانية وقليه بالزيت وشوفي النتيجة
__________________________________________________ __________
>>>> الرد الثاني :
__________________________________________________ __________
>>>> الرد الثالث :
السلام عليكم ...... عيالي يحبون سندويشات الزنجر وعلشان جذي ماخليت فكرة طلعت في راسي الا وجربتها
بس هالوصفة طلعت مضبوطة اكتبي عندج ......نخلط الروب والمايونيز وملح والملح الصيني والثوم والليمون وبشر الليمون وشوية سكر....ونقسم الخلطة الى قسمين قسم نحط الدياي فيه ونخليه لمدة ثلاث ساعات تقريبا او اكثر والقسم الثاني نحط فيه بيضة وبيكينغ بودر و شويت ماي بس وقت القلي ......ونخلط الطحين مع النشا و الملح والفلفل الاحمر والفلفل الاسود وبيكينغ بودر .......وبعد ثلاث ساعات ناخذ الدياي نغسه في الطحين وبعدين فالخلطة البيض ومرة ثانية في الطحين ونقليه ......جربي وادعيلي
__________________________________________________ __________
>>>> الرد الرابع :
جربي هالطريقة وادعيلي . كتير صحية وسهلة
دجاج (ممكن فخاد وممكن صدور دجاج مقطعة )
ملح ، فلفل اسود ، ملعقتين كبار طحينية ، ملعقة كبيرة خردل ، 3 ملاعق كبار روب .
وانقعيهم مدة ساعة أو ممكن قبل بيوم وإذا حابة يكون سبايسي ممكن تحطي فلفل أحمر بودرة
وبعدين لما بدك تقليهم ريحي راسك بالخطوة السحرية وهي تخلطي مقدار بيضتين وتضيفي شوية ماي عليهم وبعدين تضيفي على الدجاج ملعقتين نشا .. لانه النشا بيساعد على أنه يخلي الدجاج مقرمش ومابيمتص الزيت وقت القلي ...
يعني بتضيفي البيض المخفوق مع الماي فوق الدجاج المنقوع والمضاف له النشا وتحركيهم مع بعض وبعدين بتغمسيه بالخبز (البقسماط ) وبعدين على الزيت الحامي
وصحتين وعافية
طولت عليكي بس ان شاء الله تعجبك الطريقة وتكون فهمتيها
__________________________________________________ __________
>>>> الرد الخامس :
تنبييييييه
الملح الصيني مضر جدا وخطر عالصحة
ابتعدوا عنه
رد مع اقتباس
