عنوان الموضوع : جيز كيك للمطلقات
مقدم من طرف منتديات الضمير العربي

السلام عليكم شحالكن
بنات بغيت مساعدتكن ابا طريقة ومقادير جيز كيك كم مرة حاولت و ما ضبط وياي وعيالي كل يوم يطلبون جيز كيك اول مرة ذوقته عند الاهل ريلي بس يوم سالت ما طاعوا يخبروني فياريت انكم تساعدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المقادير:
واحد بسكويت شاي مطحون
زبدة وحدة سايحه
نص نستله كبير يعني وحدة كبيره
قشطه بس انا حطيت قشطتين
سته كيري
عصرة ليمونه بس عصرة
علبه الفراوله او الكرز المعلبه
الطريقه:
يطحن البسكويت ويوضع فوقه الزبدة وتعجن زييين وتصف في قالب متحرك او ببايركس عادي
والمقادير الباقيه ماعدا الكرز او الفراوله((حسب الرغبه))) تحطينها بالخلاط وتررررررررررررررررن تشغلينه الين ماتنخلط زين مازين
تحطين اللي انخلط فوق البسكويت وتحطينه بالفريزر اذا كنت مستعجله وبالثلاجه اذا ماوراك شي اما انا افضل احطها بالفريزر نص ساعه كذا وبعدين احطها بالثلاجه
قبل التقديم بساعه تقريبا تحطين الفراوله او الكرز وتقصصينه وعليكم بالعافيه


**للمعلومه الللي ماعندها القالب المتحرك تقدر تحط بالبايركس قصير تسويه كانه شكل+يعني زائد وتخلي طول 5سم على كل جنب زياده وتحط كلللللل شي طبيعي قبل التقيم تشيلين لقصير بحذرررررررر وتحطينه بصحن التقيم وكان عندك صحن متحرك وانتي للحين مابعد تتطورين وتشترينه

تحياتي لكم



هفيته من احدى المنتديات للفائده

__________________________________________________ __________

>>>> الرد الثاني :
نفس طريقة الاخت بس بدال الفراولة
نحط فوقه جيلي بالفراولة او الكرز

__________________________________________________ __________

>>>> الرد الثالث :
انا مرة وحده ضبطته .. منت مسوتنه في اكواب البلاستيك
و الحين يوم احاول .. طبقة الجيلي تتداخل مع طبقة الكريما اللي تحتها ..
مع اني ااخليها فترة طويله بالفريزر قبل عن اصب الجيلي

__________________________________________________ __________

>>>> الرد الرابع :
فديتكن مشكورة على الردودكن
مشكورة عسلي على نقل الوصفة

__________________________________________________ __________

>>>> الرد الخامس :
انا كنت فاشله فيه بس الحين الحمد لله احسن عن قبل بوايد بس شوي البسكوت يكون عندي قاسي اما الجيلاتين هو يثبت الطبقه يخليها جامده