عنوان الموضوع : ممكن سوال يا خبيرات الطبخ للمطلقات و الرامل
مقدم من طرف منتديات الضمير العربي

السلام عليكم

لو سمحتو خواتي بغيت ابدا اخلي غايتنا تاكل اكل صحي

بغيت اسالك كيف اقدر اسوي صالونهه دياي بدون ما اقلي الدياي

كيف اقدر اسوي برياني دياي او لحم بدون قلي

للعلم انا طلبت من الجدور والتاوات اللي ما يلصقون.

كيف اقدر اطبخ الخضروات مثل الباذنجان والبطاطا بدون قلي


واللي عندها اي معلومات ثانيه تفيدني



ومشكورات

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي

بخصوص الصالونة انا عمري ما اقلي الدجاج اشوح البصل في شوية زيت مع الطماط و اذا تحبين تضيفين اي نوع ثاني من الخضرة مثل الجزر او البطاط و عقب تحطين الدجاج و تضيفين كل البهارات اللي تبينها و تزيدين عليه صلصة الطماط و الماي و تخلينه الين يستوي الدجاج

و الباذنجان تقدرين تطبخينه بالفرن بس حطي فوقه شوية زيت زيتون و ملح و فلفل اسود و دخلي الفرن و كله بنفس الطريقة انا اخلي الدجاج يستوي بالخلطة و الصوص يعني ما اقلي أبدا الا اذا بغيت دجاج مقلي

و السموحة اذا نسيت نقطة

__________________________________________________ __________

>>>> الرد الثاني :
مشكوره اختي
ويزاجج الله خير

__________________________________________________ __________

>>>> الرد الثالث :
في مكينة تطبخ لج الاكل إ لبخار صحي ومذاقه لذيذ

__________________________________________________ __________

>>>> الرد الرابع :
عادي مكينه الرز تطبخين فيها الخضراوات بلبخار
واحيانا اطيخ بالمقلاه العادية مع غطا
واسوي كل شي صحي يدون زيوت ولا قلي
وبابشواية الفرن

والصالونه مانقلي الدجاج مول
ولا البرياني

وحطي ملح للخضار قليل بيذبلهن بسرعه

__________________________________________________ __________

>>>> الرد الخامس :
حبيبتي الأهم من الزيت الطنااااجر..أنا عقيت كل الطناجر التيفال..أستخدم الآن ستيل وبس...حتى البيض إذا أقلي بيض أستخدم الستيل..لأنه كل مسرطن الله يعافينا وإياكن