عنوان الموضوع : سندويشات رمضان
مقدم من طرف منتديات الضمير العربي

مرحبا
خواتي شوه السندويشات الي ممكن انسويها في رمضان وما تتكرر
انا ما اعرف اسوي الا التونه والكفته والفلافل
ما عندي ابداعات في موضوع السندويشات
ويوم اشوف في كتب الطبخ اتكون محشيه بأشياء وايد الواحد ما يقدر يرفعها او ياكلها وخاصة اليهال والشواب
لو في طرايق لسندويشات ممكن الواحد يسويها في رمضان اتكون لذيذه وفي نفس الوقت سمبل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مراحب

انزين سوي الشورما الدخاج او اللحم
وايد حلوه
جربي

__________________________________________________ __________

>>>> الرد الثاني :
والله حلوة فكرة السندويشات الرمضانية ,, سهلة وسريعة ^___^

1- سوي سندويجات ميني برجر ( برجر+ مايونيز + شووية كتشب + سلايس طماط ,,, زيدي على راحتج )

2-في سندويجات اسويها للعشا عبارة عن نقانق اقطعه صغار ,, اقطع بصل شوية واقليه بشوي زيت وعقب احط النقانق واحمسه شوي ,, انا احط عليه شوي فلفل احمر واسود بس وعقب ابند عليه واحط ملعقتين كبار جبن كرافت السايل واخلطه وعقب احشي فيه الصمون واحطه بمحمصة السندويجات شوي وبس ,,

3- اشتري قطع فلافل وسوي السندويجات بروحج فالبيت ( بدل الطحينة يبي روب شويه حلو يطلع )

هذا اللي عندي حاليا

__________________________________________________ __________

>>>> الرد الثالث :
1- دجاج مفتفت , ذرة ملح وفلفل اسود + جزر مبشور + مايونيز
اخلطي كل المقادير مع بعض واحشيها داخل الصمون , ولفيها بورق الشفاف ..

2- كبده دجاج مغسوله زين وفوريها بماي وفلفل اسود + اقلي الكبد وحطيها في الصمون + وحطي خيار مخلل بالطول + طماط شرائح ..

3 - بيض مفور وقطعيه دوائر + جبن كريمي ( كرافت او المراعي ) , ادهني الصمون بالجبن وحطي البيض وشرائح الطماط حسب الرغبة ..

4 - لحم بقري مفروم , مغسول ومفور زين + حمسي البصل + ملح + فلفل اسود او بهارات حسب الرغبة + طماط مقطع قطع صغيرة + بقدونس مفروم + خضار مشكله جاهزة + ملعقة صلصة طمام
واخلطي كل المقادير على النار لين يستوي اللحم ,, واحشي الصمون ..

5 - قطعي البطاطس والباذنجان والكوسا بالطول واقليهم في الزيت وحطيهم داخل الصمون .

6 - اكسري البيض واخلطي معاه بصل الخضر + ملح + فلفل اسود + بقدونس + فلفل بارد مقطع قطع صغيرة ( اصفر _ احمر _ اخضر ) حسب الرغبة
وحطي زبده في التاوة لين تسخن , وصبي خليط البيض وقلبيه لين يستوي ,, حطي البيض في الصمون مع جبن سلايس ..

وبالعافيه عليكم
وسامحيني ماقدر اكمل تعبت

__________________________________________________ __________

>>>> الرد الرابع :
الحمد لله

__________________________________________________ __________

>>>> الرد الخامس :
للرفع