عنوان الموضوع : طرييييقة المندى
مقدم من طرف منتديات الضمير العربي
السلام عليكم كنت بسأل على طريقة المندى اللى بالفراخ وبيكون الرز بتاعه ملون وجنبيه سلطه حاره هموت واعمله حد يقدر يفيدنى؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قلبي في طريقتين وحدة في الفرن ووحدة في القدر
1. طريقة الفرن:
تغسلي دجاجة كاملة بالملح والخل والطحين وتشطفيها بالماي وتخليها تنشف وتبهريها بملح وبصل مبشور وثوم وبهارات مشكلة ووتحطي معاها ورق غار وزعتر وتخليها على جنب ..
في بايركس تحطي رز بسمتي منقوع ومغسول وتحطي عليه كركم وليمون ناشف وبهارات مشكلة وفلفل صغير حار وقرنفل وحب هيل وعود قرفة وطماطم وبصل وثوم قطع وصبي عليهم ماي حار وغطيه بطبقتين ورق المنيوم واعملي فتحات بالسكين في الورق وحطي عليه الدجاج الي بهرتيه وغطيه بطبقة فويل وحطيه في الفرن ساعة ونص تقريبا وبعدين حمري وجه الدجاج
2. طريقة القدر:
تحمري بصل وثوم وبهارات وقرنفل وورق غار وليمون ناشف وعود قرفة وفلفل صغير حار وطماطم قطع وكركم وتقلبي فيهم الدجاج وتصبي ماي حار عليهم وتخليه لحد ما يستوي الدجاج طلعيه وحمريه في الفرن وحطي رز منقوع على مرقة الدجاج .
3. بالنسبة للصلصة :
حطي في الخلاط عصير ليمونة مع حبتين طماطم وفلفل اخضر حار وثوم وبقدونس وماي شوية واخلطيهم وصحة وهنا
__________________________________________________ __________
>>>> الرد الثاني :
المشاركة الأصلية كتبت بواسطة أروى شادى
السلام عليكم كنت بسأل على طريقة المندى اللى بالفراخ وبيكون الرز بتاعه ملون وجنبيه سلطه حاره هموت واعمله حد يقدر يفيدنى؟
طريقتي في المندي :
هاتي دياية واقسميها نصين وغسليها عدل لين ما تنظف حطيها في جدر وضيفي عليها ماي وحبات هيل وجرفة وليمونه وحدة جافة وحبات الكزبرة وشوي من حبات الحلبة اذا حبيتي ومكعب ماجي مع قرنين فلفل اخضر حار .. اشعلي عليهم النار لين ما تنضج الدياية شلي الدياية وحطيها على جنب وسخني الفرن (في فنجان ضيفي قليل من مرق الدياي علية شوي زعفران ) وادهني بها الدياي ودخليهم الفرن
اما باقي المرق فحطي علية الرز طبعا تقايسين كمية الرز مع كمية المرق وتخلينهم ينضجون بدون ما تحركين الرز ( سر المندي في هذي الجزئية ) تحمرين حبتين فحم وتيبين مله صغيرة وتحطين فيها زيت وتركزينها في نص جدر الرز وتطلعين الدياي بعد ما يحمر شوي من الفرن وتحطينهن حول المله مالت الزيت وتسكرينها بالقصدير افتحي القصدير من طرف وعقي الفحمتين بملعقة طويله داخل الزيت اللي في وسط الرز وسكري الجدر بسرعه وخلية 3 دقايق يتبخر ( هنااا تكمن سر الطبخة )
اما صلصة الطماط فهي عبارة عن ( 2طماط و قرن فلفل حار ) تفرمينهم بفرامة الملوخية وحطي عليهم شوية ملح وبالعاااااافية عليكم حبيبتي .
( ام عبيد ) تجهيز مفرزنات لرمضان والايام العادية
( ام عبيد ) دورات تعليمية للخادمات
( ام عبيد ) تجهيز طلبات محاشي بجميع انواعها ومعجنات مشكلة
( للتواصل ) العين / 0557102060 واتس اب
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
