عنوان الموضوع : اكلة سمج زوجج بيحبها من مطبخي
مقدم من طرف منتديات الضمير العربي


السلام عليكم ورحمة الله
حبيباتي اليوم يايبة لكم طبخة من اختراعي سويتها اليوم وعبت ابو الشباب واااايد مع اني كنت حاطة ايدي علي قلبي خايفة ما يحبها
بس شوووووووو مب اي اكلة ..... ما اتحسين انج تاكلين سمج بس السموحة نسيت اصور
اللي تبا تجرب تتفضل معاي وان شاء الله ما بتندم



المقادير
قطع سمج هامور مثلا عدد 4 (انا اللي سويته يشبه الهامور بس مما اعرف شو اسمه)
بصلتين مفرومات صغار
نص فنجان صويا صوص
فنجان ونص بودرة جوز الهند وتخلطينها بكوب ونص ماي (كمية الالماي وجوز الهند مب محددة ممكن تزيدين علي حسب رغبتج)
البهارات اللي تنحط علي السمج ملعقة صغيرة من كل من:
بهار مشكل ** كركم** فلفل اسود** كمون **كزبرة بودرة** ملح
بهارات الصلصة:
كركم **ملح **بهار حب (3حبات هيل وفلفل اسود ومسمار وحبة قرفة لو حبيتي)

الطريقة ::
اول شي تغسلين السمج زين مازين واتحطين عليه ملح وخل وماي واتخليه عليه شويه بعدين تغسلينه
واتحطين عليه البهارات البودرة وبعدين ترشين عليه الطحين واتقلينه لين يستوي
وبعدين تييبين جدر وتحمرين فيه البصل مع البهارات الحب والكركم واتحطين السمج المقلي واتصبين عليه جوز الهند المخلوط بالماي ونص فنجان صويا صوص والملح واتخلينه لين ما اتخف الصلصة شوية وعليج بالعااااااافية
وتاكلين ويا الرز الابيض


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعطيج العافية
شكله من الخاطر حلو وأنا ريلي يموت في السمك بجربه انشا الله

__________________________________________________ __________

>>>> الرد الثاني :

المشاركة الأصلية كتبت بواسطة أم غيث
الله يعطيج العافية
شكله من الخاطر حلو وأنا ريلي يموت في السمك بجربه انشا الله



مرحبا الغالية
صدقيني طعمه واااايد حلو جربي وما بتندمين
اتريا تجربين وتخبرينا الغالية

__________________________________________________ __________

>>>> الرد الثالث :
تسلمين الغلا على الوصفة

__________________________________________________ __________

>>>> الرد الرابع :

المشاركة الأصلية كتبت بواسطة ::+فديتك اناا+::
تسلمين الغلا على الوصفة



ويسلم اللي زار الغالية

__________________________________________________ __________

>>>> الرد الخامس :
تسلمين الغالية على الوصفة و ان شاءالله اجربه اليوم