مرحبا الطيبات اخبار المطابخ الله الله بعيالنا اكلوهم وغذوهم خخخخخخخخخخ
انا هالاكله اول مرة ذقتها هنيه في لندن وخلاص انطبعت في المخ واللسان خخخخخخخخخخخ
ولهالسبب تعلمتها والحمد لله الكل حبها يوم طبختها
وهي ولا اسهل بس تبى شويه صبر
المكونات
دجاج صدور مقطع مكعبات متوسطة
4 ملاعق زيت قلي
4 ملاعق جوز هند مبشور
علبه كريم خفق صغيره
ملعقه ملح صغيره
ملعقه سكر كبيره
كوب من Karri Base
طبعا من الصعب تلاقين الكاري جاهز
ولهالسبب بعلمكن كيف تسونه وممكن تستخدمنه في اكلات كثيره وخاصه للي يحبون الحار
تاخذين يا طويله العمر 3 بصلات كبار وراسين ثوم وزنجبيل طازج وتحطين عليهم ماي عقب ما تقطعينه مكعبات وتخلينه يغلي لمده 25 دقيقه على نار هاديه لحد ما ينشف اغلب الماي وتلاقي المكونات انهرست تضيفين الكاري والفلفل الاحمر والكركم والماسالا عليهم وملح وفلفل ابيض
وعقب تخلينه يطبخ شوي وعقبها تطحنينه في الخلاط او طحانه الشوربه
وتاخذين من الكاري مقدار كوب او كوبين على حسب الكميه اللي بتسوينها
الطريقه :
ناخذ 4 ملاعق زيت ونحطهم في مقلى عميقه وبس يسخن نحط قطع الدجاج ونقلبها باستمرار عشان ما تقبض في القاع ويتفتت
وبس يصير لونها ابيض انضيف الكاري عليها ونحركه ونغطيه على نار هاديه وعقبها بس يبدا الدجاج ينضج نضيف الملح والسكر وجوز الهند وعلبه الكريمه ونخليه كله يغلي مع بعضه
ونغطيه عشان يكمل سوى
[IMG]https://up.******.com/files/8rw2mnssjudjpql9tf3i.jpg[/IMG]
وبعدها بيكون على هالشكل
[IMG]https://up.******.com/files/77r1ph3ayt5qv2bgvftx.jpg[/IMG]
السموحه ما صورت تفاصيل الطبخ
بس تقدرون تشوفون الشكل النهائي
[IMG]https://up.******.com/files/47tnqyeybz9b95jg82ji.jpg[/IMG]
وحلاته مع خبز النان ان شاء الله اسويه واحطلكم الصورة
وهني وعافيه
ها شو رايكن هب احسن من المطاعم الهنديه اللي ما نعرف كيف ومنو يسويه لنا
وعلى فكره طلع ضبط نفس الطعم
وممكن تسوينه بدل الدياي لحم بس البهارات بتتغير او خضار واللي كلمه روعه قليل عليه
واللي اطبق الوصفه تخبرنا عشان نشوف ابداعاتكن يا ربات البيوت
رد مع اقتباس
