عنوان الموضوع : الجباااب ( تحبوووونه؟؟؟؟؟؟؟؟؟؟) طبق اماراتي
مقدم من طرف منتديات الضمير العربي
السلام عليكم ورحمة الله وبركاته
اخواتي مشرفات وزائرات موقع سيدات الامارات
انا اول مره اشارك في منتدى مع اني متابعة لبعض المنتديات لكن اتمنى اني اكون دايما خفيفة عليكم
اول مشاركاتي بتكون لوجبة او مقبلات محليه اللي هي ( الجباب)
يمكن حد ضافها قبلي لاني ما تابعت كل المواضيع بس التكرار يعلم الشطاار :22 (4):
المقادير بتكون حسب الرغبة او حسب الضيافة
انا بحط مثال ::22 (20):
عبارة عن 2 كوب طحين
2 ملعقة سكر
رشه ملح
عدد بيضة
ملعقة زيت
شوي زعفران
رشه هيل
م ص خميرة
وماي دافي تخلط المقادير مع الماي حتى تكون سائلة
تترك لتخمر ليلة كاملة ثم يمسح الطوبي ( أو آنية الطبخ) او التاوة ههههه بزيت وتسكب بملعقة على شكل دوائر ثم تقلب حتى تحمر . طبعا يرش عليها السمن العربي والعسل حسب الرغبة
جربوها تراها خفيفة
انشالله مشاركاتي بتكون منوعة
مع اني امووت في الاكلات التراثية الا ان الجباب المفضل عندي
السموحة طولت عليكم
ياليت اللي تعرف طريقة الخبيصة بطحين رقم 3 تحطهاا وتكون مضمووونه:1 (68):
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياسلااااااااااااام اموووووووت فالجباااااب
ييتي ع العوووووق
تسلمين الغاليه
بس ياريت وياها صوره علشان انيووع زياده خخخخخ
اختج
شيخة الحريم
__________________________________________________ __________
>>>> الرد الثاني :
اوعدج اتكون مع الصور جريب ... تسلمين على المروور شيخة الحريم
__________________________________________________ __________
>>>> الرد الثالث :
شئ طيب نتريا الصور.
مشكوره حبيبتي
__________________________________________________ __________
>>>> الرد الرابع :
اممممممممممممممممم ...شهيتينا والله!!!
بس حبيت اسال العجينة نحطها فالثلاجة والا نخليها برع ؟؟؟؟؟
لان اعيالي يحبون هالخبز وابغي اسويه!!!!
__________________________________________________ __________
>>>> الرد الخامس :
هلااا امووورة ... صدقج العيال يحبونه لانه خفيف
اتحطين العجينة برا طبعا ويفضل اتغطينه بصحن وفوطة يحتاج مكان دافي عشان يخمر لانه فيه الخميرة .. زين انج سألتيني ها السؤال ..ويفضل يوم اتسوينه اتكون شبه سائلة عشان يكون خفيف وحلوو ..
صحة وعافيه ..
رد مع اقتباس
