استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
برياني دياي من مطبخي فالغربة وبالصور ^_^ المطبخ الاماراتي
عنوان الموضوع : برياني دياي من مطبخي فالغربة وبالصور ^_^ المطبخ الاماراتي
مقدم من طرف منتديات الضمير العربي
هذا برياني الدياي سويته لصديقاتي السعوديات ياحبي لهم
وانا كالعاده اسوي الشي واقعد اصوره
اعتقد اني بألف كتاب اسمه أكلات الغربة ^_^
بالصور خطوة خطوة
اول شي
خلطة الدياي
مكوناتها
دياي مقطع وبدون جلد
بهارات بكميات مناسبه
بهار البرياني + فلفل اسود + زنجبيل بودره + كركم + كمون + حب كزبرة بودرة + بزار + هيل بودرة
روب \ زبادي
ثوم مهروس
ملح
نخلطه مع الدياي ونخليه من ساعتين إلى ليلة كاملة
يعني اذا مستعجلة خليه ساعتين
واذا تبينه لعزيمة بكرة مثلا جهزي من فليل
وهذا شكل الدياي بعد ما خلطته
وانا خليته ليلة كاملة والحين حشوة البرياني
مكوناتها :
بصل وبالكمية اللي تحبينها بنستخدمه للحشوة + زينة عالويه
باذنجان
كوسه
فلفل بارد ملون : اخضر اصفر واحمر
فلفل حار قرون
بطاطس
زنجبيل طازج
ثوم طازج
روب \ زبادي
بهارات مثل اللي استخدمناها في خلطة الدياي
بهارات صحيحه
نقطع بصل جوانح ونقليه
وهذا شكله بعد القلي 
والحين ناخذ شوي من زيت القلي ونحمر فيه الدياي اللي خلطناه
مجرد تحمير يعني لا تخلينه يستوي
بهالطريقة واحتفظي بباقي خلطة الدياي
يتبع لا تردوووون
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحين هاتي شوية زيت من الزيت اللي قليتي فيه البصل
وحطي فيه شوية بصل من اللي قليتيه
وبهارات صحيحة
وهذي صورة البهارات الصحيحة
وهي عبارة عن هيل + قرفة + كزبرة حب + كمون حب + مسمار + ورق غاروهذا شكلهم مع البصل فالزيت
وطبعا ما يحتاج تحمير مجرد تحريكة بسطيه وبعدها نحط الخضرة المقطعه 
عبارة عن كوسة وفلفل بارد اخضر واحمر واصفر وقرن او قرنين فلفل اخضر حاروثوم + زنجبيل مبشور و باذنجان وبطاطس
كل الخضرة مقطعه مكعبات صغييييرة
نحطهم فوق البصل والبهارات الصحيحه
وحطي عليها البهارات والملح 
وحركيها 10 دقايق بعدها حطي عليها الباقي من خلطة الدياي
قلبيهم وخليهم خمس دقايقبعطين حطي عليهم 3 ملاعق روب \ زبادي
وحركي شوي
وبتصير بهالشكل 
الحين هاتي الدياي اللي حمرتيه وحطيه على الخلطة
حركي شوي شوي وغطيه وخليه لمدة نص ساعة
يتبع
__________________________________________________ __________
>>>> الرد الثاني :
وهذا شكله بعد نص ساعة
حطي عليه بقدونس او كزبرة وطفي النار وعطي القدر وخليه على صوب
الحين العيش \ الرز
مكوناته
عيش مغسول ومنقوع فالماي
ملح
صبغة اكل باللون الاصفر
ماي ورد
زعفران
شوية زيت من زيت القلي
الحين هاتي قدر واسلقي فيها العيش \ الرز ربع سلقة لا تضيفين له غير الملح
واشخليه
الحين حطي طبقة صغيرة من العيش \ الرز
وبعدها خلطة الخضرة بدون الدياي
وبعدين باقي العيش \ الرز
وهاتي شوية صبغة الاكل + ماي ورد واخلطيهم
حسب الكمية فنجان او بياله او بيالتين
وصبي الصبغة بهالطريقة
وانثري شوية زعفران فوقه + شوية من الزيت اللي قليتي فيه البصل
وحطي الدياي فوقه
وسكري القدر عدل بالالمنيوم وبعدها الغطا
وخليه من نص ساعة إلى ساعة إلا ربع
وبعدها هذا شكله
وهذا صحن ثاني
وبالعاااااااااااااااااااااااااافيه على كل الحلوين اللي كلوووه
وانتظروني ان شاء الله مع فتة الباذنجان فالمرة الياية
والله يجمعنا مع من نحب بخير وعافيه
ودعواتكم لي ولعيالي
أم هــــزااااااع
__________________________________________________ __________
>>>> الرد الثالث :
__________________________________________________ __________
>>>> الرد الرابع :
ويييييييييييييييييين ماطلعن الصور
__________________________________________________ __________
>>>> الرد الخامس :
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس