عنوان الموضوع : اسباغتي بالدياااي والصوص ... بالصور ^_^... طبق اماراتي
مقدم من طرف منتديات الضمير العربي

مرحبا حرمات بناات ...

عشانا اليوم كان اسباغتي بالدياي والصوص ... حبيت اصور لكم الطريقة ... واعذروني عالتصوير البايخ ... لأنه كاميرتي قوم بوعبود ...

وأي استفساار أنا حااضرة ...


خلونا نبدأ ...


المقادير :



3 حباات طماطم ...




5 ملاعق كبيرة كاتشاب ... على حسب الرغبة جان تبون الصوص فيه لذة السكر زيدوا الكاتشاب وجان ما تبون 5 ملاعق يكفي ...





اشوية كزبرة + فص ثوم مدقوق + حبة ماجي ..





حبة بصل وسط امقطعه قطع صغيره + نص حبة فلفل أخضر ...





جيس اسباغتي ..





علبة من كرات الدياي ... إذا تحبون انكم اتقطعون الدياي عادي ... بس انا هالمره حبيت ايرب هالنوع اللي موجود في الجمعية ... ما استخدمت الدياي كله بس كمن حبة ...





زيت نباتي ...






صوص البيتزا + ريحان + زعتر >>> بالنسبة للبهارات انا ما صورتها بس بقولكم شو حطيت : فلفل + كركم + ملح ..



يتبــــــــــــــــــــــــــــــــــــــــع الطريقة ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فالانتظااار

__________________________________________________ __________

>>>> الرد الثاني :
الطريقة :




أول شي فورت الماي .. وعقب حطيت السباغتي .. ورشيت فوقه شوية ملح .. وحطيت اشوية زيت ... وخليته لين يستوي ...





وسرت الصوب الثاني وحمرت الدياي ... قليته في الزيت بس ما خليته يستوي ... لأنه عقب بحطه في الصلصة من جي خليته يستوي من برع بس ..




واهني عقب ما قليته اشويه ...


والحينه براويكم طريقة الصوص ...




ايب الجدر .. واصب فيه الزيت لين ما يسخن اشويه واحط فيه البصل + الثوم واحركهم لين ما لونهم اشويه يستوي اصفر او مايل عالبني ...





اضيف الطماط واحركه لين ما يذوب اشويه ..




اضيف الفلفل الأخضر واحركه ..





اضيف حبة الماجي ...




اضيف الكزبرة ..




واهني انا ضفت 5 ملاعق من صلصة البيتزا ... بس الصورة مب واضحه عدل اعذروني ..




وعقب اضيف الدياي ...




واهني انحركهم مع بعض وانخليهم يبطخوون ...




واهني حطيت السباغتي مع الصلصة وخلطتهم ... وانتوا اترومون تفصلون السباغتي عن الصلصة يعني تحطون كل واحد في صحن وعقب اتسوون مكس ... لكن انا حبيت اخلطهم كلهم مع بعض في الجدر .. ...



تتاتاتاتاااا .... والحينه من اليوع غرفت في الصحن أي شي وبدون تزييين ....

بس كان لذذذذذذذذذذذذذذذذذذذذذذييذ ....

طبعا كل وحده ولها طريقتها ... وأنا هاي هي طريقتي إن شالله عيبتكم ..^_^...

__________________________________________________ __________

>>>> الرد الثالث :
تسلم ايدج...

انا وحده من عشاق الباستا بكل انواعها..

__________________________________________________ __________

>>>> الرد الرابع :

المشاركة الأصلية كتبت بواسطة ام_ساره
تسلم ايدج...

انا وحده من عشاق الباستا بكل انواعها..



الله يسلم غالييييييييييييج .... أسعدني مرورج

__________________________________________________ __________

>>>> الرد الخامس :
شكلها يهبل يمي يمي بجربها ان شاء الله..