السلام عليكم حبيباتي ، اليوم سويت ع الفطور برياني دياي ،
و قلت ما ببخل على أخواتي بطريقتي ، عاااد اللي
تجرب الطريقه و تضبط معها لا تنسى تدعي لي
في هالشهر المبارك ،
خلونا مع المقادير :
ديايتين نظاف و مقطعات
بهارات ، فلفل أحمر ، كركم ، ملح ، مسمار ، كمون ، بهارات البرياني ، ،عود قرفه
ورق غار ، حبات هيل ،
بصله متوسطه + ثوم + زنجبيل
مكعبين ماجي
حبه طماطم مفرومه
علبتين زبادي
كزبره
حبه فليفله مقطعه
حبه بطاطس مقطعه
عيش مسلوق مع حبات هيل و قرفه ومسمار ورقه غار (العيش بحدود جيلتين والجيله
علبه السميد) و 3 قفشات صغار ملح
الطريقه :
نقلي البصل و يا الثوم والزنجبيل لين تطلع ريحته عقب الدياي و نقلب
نحط بهارات البرياني و مكعبات ماجي ، و البهارات الباقيه
بعدين نحط الفلفل البارد و الطماط و البطاط ، و الروب
قبل ما يستوي الدياي بخمس دقايق نحط الكزبره و ملح قفشتين صغار و خلطه الدياي
لازم تكون غليضه مب سائله يعني لازم ينشف منها الماي ،
حطينا طبقه عيش و فوقه الدياي و بعد طبقه عيش و نرش الزعفران المنقوع في ليمون
ع الويه ،
خلصناااا ، دعواتكن
رد مع اقتباس
