عنوان الموضوع : تنور لحم لكن بطريقه اسهل وممكن اي حد يسويهاا ومن ايد عاشقه زوجي من مطبخ الامارات
مقدم من طرف منتديات الضمير العربي
(( هالموضوع اهداء للعضوه فلونه عشان خاطرها في التنور وبالنسبه انها بعييد وما اقدر اسويه لهاا نزلت هالطريقه السهله عشان هي اطبقها ومايتم بخاطرهاا ))
وانا نزلت قبل طريقة تنور لحم لكن ممكن يكون صعب للي ماعندهم تنور لكن اليوم حطيتلكم تنور بطريقه اسهل لانه يتسوى في جدر يعني كل حد خاطره في تنور يقدر يسويه بسهوله حتى الي ماتعرف تطبخ هو نفس الخطوات الي في موضوعي الي طاف من بهارات للحم ونفس الاعشاب الي كتبت عنها لازم تنحط احس هي الي تعطيه نكهة وريحه لحم التنور وانا حطيت لكم صوور توضيحيه
اول شي اللحم نغسله
وبعدين نحط عليه البهارات
وسويت له خلطه البصل والبهارات الي كتبتها في موضوعي القبلي وحطيت اللحم فيهاا من بعد ماحطيت فيه البهارات
وهاا صورة الجدر الي ينحط فيه اللحم ولو تلاحظون فيه نفس القاعده المخرمه وهي مب ثابته لانه ينحط تحتها الماي الي يتبخر وينضى عليه اللحم والماي ينحط لقبل هالقاعده بشوي
وبعد ماحطيت الماي تحت القاعده حطيت فوق القاعده من الاعشاب الي تنحط وللتذكير هي على مايسمونها عدنا شوع ورق ياس ورق ليمون وعادي بعد ورق همبا ولو شي نقص منهم عادي المهم شي منهم عشان النكهه
وبعدين احط شوي من اللحم الي عندي وارد واحط فوقه اعشاب وبعدين ارد احط لحم يعني طبقات فوق بعض ولاتحاتوتن ينضى اكييد
وبعد ماخلص احط قصدير ع الجدر زين لان اللحم ينضى ع البخار فاحاول اني احط القصدير قبل ما احط الغطا عشان اظمن ان البخار مابيطلع وبينضى اللحم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الجدر يوم حطيته ع الغاز وحطيت عليه حبتين انترلوك خخخخخخ اونه عشان يكون ثجل ومايطلع البخااار
ولان احنا كنا مسوين ذبيحتين فسوينا وحده في هالجدر ووحده سويناها مجبوس ع الضووو وحطينا هاللحم الي في الجدر فوق المجبوس وهني صوره الجدر وهو ع النار بس انشغلت وماصورتلكم كيف سويناها ان شاء الله مره بنزللكم الطريقه في موضوع منفصل بالتفصيل
وهني صوره اللحم بعد ماخلص وهو يتم ع النار بالظبط ساعتين ويطلع ماشالله ناظي عدل
بعد ماخلص صوره سريعه للصينيه
وان شاء الله تعيبكم الطبخه واطبقونها وتدعون لي وترى وايد سهله ييبي لحم حطي بهارات حطيه في الجدر ساعتين وهو مخلص والعيش عادي ابيض وتحته بصل او ابيض وفوقه سمن بس وطبعا ماننسى سلطه الروب والسلطه والاجار والداغوس عشان تكمل الوجبه وصح يابنات ممكن اتحطون بدال اللحم دياي ويتم تقريبا في الجدر بس ساعه وعادي الي بيسوي اكثر من ديايه انها تنحط ع بعض وعن تجربه ينظى اكيييد وهالجدر ينباع في محلات الصحون والجدور واحجام كبيره واحجام صغيره والي عيبها الموضوع بليييييييز تدعي لاختي ربي يسهل ولادتها ويقومها بالسلامه
__________________________________________________ __________
>>>> الرد الثاني :
خطير بصراحه ماشاء الله عليج الله يعطيج الصحه والعافيه
__________________________________________________ __________
>>>> الرد الثالث :
الله يساااااااااااااااااااااااااااامحج يا عاااااااااااشقة ... انا في الغربه وأشوووووووف هالطبخه ... عذاااااااااااااااااب ....
مشكوووووووووووره على الطريقه والوصفه اللذيييييييييييذه وتسلم الأيادي
__________________________________________________ __________
>>>> الرد الرابع :
تسلمين الغاليه ,
__________________________________________________ __________
>>>> الرد الخامس :
ما شاء الله عليج
ما شاء الله.. ما شاء الله
عيني عليج باردة
ده انتي ست بيت من الطراز الأول....
والله استحيت يوم شفت اسمي... هههههههههههههه
تسلمين فديت روحج
أردها لج في الأفراح
أحينه سؤال... اليدر من وين؟؟؟ ههههههههههههههه
رد مع اقتباس
