عنوان الموضوع : سبانخ باللحم المفروم والبقوليات من مطبخ نهّووود ...
مقدم من طرف منتديات الضمير العربي


أحلى سلاااااااااااااااااااااام لأحلى أكولااااااااااااااااااااااااااات


طبق اليوم مفيد وله فوائد غذائيه قيّمه ... وفي نفس الوقت لذيذ وخفيف ... تقدرين تاكلينه مع

الخبز أو مع الرز أو بروحه بدون شي ...

والطريقه سهله وايد وبسيطه ...


شدو الهمه ... إلى المطبخ بسررررررعه





الرجاء عدم الرد ع الموضوع حتى يتم الانتهاء من عرضه بالكامل حتى يكون متسلسل



المقادير


بصلة صغيره مقطعه قطع صغيره
فصين ثوم مقطع شرائح
كوب بقوليات مشكله
ربع كيلو لحم مفروم
سبانخ طازجه او مثلجه
ملعقتين طعام صلصة طماطم
ملعقة صغيره ملح الليمون
مكعبين ماجي
زيت نباتي او زيت الزيتون
نص ملعقة صغيره من ( قرفه مطحونه - فلفل أسود مطحون - كمون مطحون - كزبره مطحونه )



الطريقه



أول شي البقوليات نخليهم في الماي على الأقل 12 ساعه في الثلاجه







نحط البصل والثوم في الزيت ونخليهم لغاية ما يذبلون







نضيف اللحم المفروم ونقلبه مع البصل والثوم







نحط الماجي مع البهارات ( فلفل أسود - كزبره - كمون - قرفه ) ونخلط المقادير كلها مع بعض ونخليها تتجانس مع اللحم المفروم







نضيف البقوليات على اللحم والبهارات ونخلطهم مع بعض








نضيف ماي حار تقريباً ثلاث أرباع الجدر ونخليه يغلي على نار متوسطه







وبعد ما تشوفين ان الماي قل مقداره تقريباً لين فوق مستوى البقوليات بشوي والبقوليات صارت لينه .. نضيف السبانخ ... انا استخدمت المثلجه ... اسهل واسرع ونضيف معاها صلصة الطماطم وملح الليمون








نخلطهم مع بعض ونغطي الجدر على نار هاديه تقريباً لمدة عشر دقائق .. وبعدين بيكون جاهز للأكل









وهذاااااااااااااااااااااا الطبق الشهي ... وبالعاااااااااااااااااااافيه على كل وحده مرت وشافت الطبق الشهي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
واااااااااااااااو تسلم ايدج
والله اشتهيته بحاول اسويه باقرب وقت

__________________________________________________ __________

>>>> الرد الثاني :
خلا ص لين هني وبس ماروم اتحمل بسير اكل

وايد يشهي
تسلمين

__________________________________________________ __________

>>>> الرد الثالث :
ما شاء الله عليج

تسلمين شيف وبانتظار النيو ^_^

__________________________________________________ __________

>>>> الرد الرابع :
الله يعطيج العافية

__________________________________________________ __________

>>>> الرد الخامس :
ما شاء الله تسلم إيدج
بس يعت خخخخخخخخ
مشكوووووره...