عنوان الموضوع : كاري اللحم اللذيذ طبق اماراتي
مقدم من طرف منتديات الضمير العربي


شخباركن خواتي تقبل الله طاعتكم
طبقنا اليوم للي يحبون الاكل الهندي والحار
وهو الكاري لكن مب اي كاري وشوفو الصوره واحكموا

شو رايكم نبدا بالمقادير:
نص كيلو لحم مقطع قطع صغيره وبدون عظم
2 بصل مفروم
3 فلفل حار
2 طماطم مقطعه قطع صغيره
بهارات (ملح + فلفل اسود + كزبره ناعمه + كركم + بهار الكاري+ فلفل احمر +قرفه)
البهار الحب (ملعقة السنوت الللي يسمونه بذر الشمر + عود قرفه +4 حبات هيل+ورق غار)
كزبره خضرا مفرومه خشن
نص علبة حليب جوز الهند
4ملاعق روب

الطريقه:
نسخن شوية زبده في الجدر ونحط عليها السنوت ونخليه لين تفوح ريحته مب يحترق وبعدين نضيف عليه البهار الحب

ويوم بتطلع ريحة البهارات نضيف البصل ونخليه لين يذبل وعقب نحط الفلفل الحار

مجرد ما يذبل البصل نرشه بالبهارات المطحونه

وهني نحط اللحم ونخلطه مع البهارات ونغطيه شوي

نحط عليه الطماط

نضيف له الماي ونخليه يغلي لين انحس ان اللحم نضج
اللحين نضيف حليب جوز الهند ونخليه يستمر يغلي وهني بنبتدي نلاحظ الماي بدا يقل ويغلظ

نضيف الروب ونخلط

واخر شئ الكزبره الخضرا ونخليه لين يغلظ

وقدموه وكلوه ويا خبز الجباتي وبالعافيه عليكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مممممممممم تسلم الايادي باين عليها روعة مشكورة حبيبتي والله يعطيكي الف عافية

__________________________________________________ __________

>>>> الرد الثاني :

المشاركة الأصلية كتبت بواسطة توتو 77
مممممممممم تسلم الايادي باين عليها روعة مشكورة حبيبتي والله يعطيكي الف عافية




الله يسلمك ويعافيك
انتي اللي مشكوره على المرور الطيب
وهاي لك لانك اول وحده ردت على موضوعي

__________________________________________________ __________

>>>> الرد الثالث :
نقدر نسويها بخلطه الكاري الجاهزه ؟؟
تسلم يمينج شكلها وايد مشهي

__________________________________________________ __________

>>>> الرد الرابع :

المشاركة الأصلية كتبت بواسطة عاشقة ولدي
يعطيج العافيه..



الله يعافيك

__________________________________________________ __________

>>>> الرد الخامس :

المشاركة الأصلية كتبت بواسطة missuae3003
نقدر نسويها بخلطه الكاري الجاهزه ؟؟
تسلم يمينج شكلها وايد مشهي



الصراحه ما جربتها بالخلطه الجاهزه
بس انتي جربيها على طريقتي وما بتندمين