بسم الله الرحمن الرحيم
السلام عليكم ورحمة الله وبركاته
خواتي اعضاء المنتدى والزوار
هلا والله فيكم
من بعد فترة ماقدمت شي اليوم طبخ لكم طبخة بسيطة وموجودة في كل منتــــــــــــدى
وممكن تسويها كل وحدة في بيتها
المهم ما بطول عليكم
نبدأ بالمقادير :
2 ونصف علبة انا ناس عيش
1 دجاجة مقطعة
2 بصلتين
3 جزرات متوسطات
1 مكعب ماجي
بهارات
2 ليمون اسود
3 فلفل حار
كزبرة خضرة + شبت
فلفلة بارة وحدة ( خضرة )
3 طماطات
كزبرة ناشفة مطحونة + قرفة + بهارات العلبة الخضرة
ثوم + زنجبيل
الطريقة :
بعد ما تقطع الدياي ونغسله عدل , نبهره ونقليه , ونحطه على جنب , وبعدين نحط زيت في الجدر ونحمر البصل , وبعدين نحط كركم ونحط عليه الفلفل البارد والحار و الجزر والطماط والبهارات ونزيد عليه ( ثوم + زنجبيل ) ونقلبهم شوي ونحط البهارات و الملح ومكعب ماجي الي عندنا والكزبرة الخضرة والشبت ونضيف عليهم الطماطم مع اضافة اليمون الاسود
ونقلب هالمقادير ونضيف عليهم الدياي ونخليهم على نار هادية
وبعد ما نشوف المقادير وامتزجت ويا بعض انصب عليهم شوية ماي لين يغطي الدياي ونخليه يفور مثل الي في الصورة
وبعد ما يفور نضيف عليه عيش مغسووووووووووول منقوع تقريبا ربع ســــــــــاعة
مثل ما في الصور
ونخليه على نار هاديــــــــــــــــــــة لين ما ينشف الماي
وبعدين نغرفة في الصحن وناكله مع الدقوس والآجار والكشب مثل ما في الصورة :
و عيالي يحبونه مع الكشب
وان شاء الله يعجبكم هالمجبوس السريع ولازم تاكلونه والمجبوس حار لاتخلونه يبرد
وبالعافيهـ على قلوبكمـ .........
اختكم: أمـ حمدانيــ
اتريال ردودكم الحلوة
رد مع اقتباس
