عنوان الموضوع : الخلطة السرية و اللذيذة لصلصة البشاميل »» المطبخ الاماراتي
مقدم من طرف منتديات الضمير العربي
حبيباتي عزيزاتي ..
من كثر حبي للبشاميل ، حاولت كذا مرة ادور طريقة اعداد
الصلصة في اقل وقت و جهد لين ما ابتكرت الحل.
فيسعدني اعرض عليكن الخلطة السرية لصلصة البشاميل ومايحتاي اتعبين
عمرج ع الطريقة التقليديه !! تناسب كل انواع المعكرونة ، بس عليج اتغطين
المعكرونة بطبقة صلصة البشاميل.
نقول بسم الله ، مكونات الخلطة :
جبن قلاس بوك - حجم الوسط
قشطة - علبتين
جبنة موزاريلا - حسب الرغبة
رشة ملح
رشة فلفل اسود
خلطي كل المكونات و غطي المعكرونه و خليها ف الفرن.
طرشولي ردودكم عقب ما اتجربون الطريقة و لا تنسون تدعون لاختكم ام ناصر ^^
^^
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يم يم يم يم
عاااااااااد كله ولا البشاميل
__________________________________________________ __________
>>>> الرد الثاني :
صدقج والله هالطريقه جدا لذيذه عن تجربه
وانا اسويها من كثر ما اتعقدت من البشاميل العادي
قمت اسوي الاسهل لوووووووووووول
__________________________________________________ __________
>>>> الرد الثالث :
تسلمين الغلا .. جد سهلة .. بدل التعب والخوف من تكتل البشاميل
__________________________________________________ __________
>>>> الرد الرابع :
تسلمين والله راح اجربها ^^
__________________________________________________ __________
>>>> الرد الخامس :
اوففففففففف امووووووووت في الباشاميل.. بس المشكلة هاي الخلطة وايد دسمة..
انا اكره طريقة الباشاميل الاصلية لانها وايد معقدة..بس اكتشفت طريقة سهلة اللي هي تحطين الطحين وفلفل وملح وجبن موزاريلا وحليب في الخلاط وتخلطينه وعقب تخلينه في جدر وتطبخينه لين مايصير ثجيل ..ويطلع حلو لو تخترعين تضيفين بيضة او جبن سائل او قشطة او مكعب ماجي
رد مع اقتباس
