عنوان الموضوع : برياني دجاج بالجزر والكوسا من مطبخي وبالصور المطبخ الاماراتي
مقدم من طرف منتديات الضمير العربي
مرحبا الغالياااات
اليوم سويت على الغدا برياني وحبيت اغير شوي
فـ سويته مع الجزر والكوسا والطعم استوا لا يعلى عليه ..
وبو الشباب استانس عليه وقال المفروض افتح لج مطعم ههههه
بشرح لكم الطبخه بالصور وبدون مقدمااات وان شاءلله تجربونها وتعجبكم
مع اني عارفه راح تعجبكم
<<<< حلفي بس هههههههه
طبعا على حسب عدد الاسره كل ما زادو بسم الله ماشاءلله نزيد الكميه
وانا سويت كميه لـ 3 اشخاص او شخصين ..
مطلوب دجاجه و4 عدد كوسا و3 عدد جزر وفلفلتين باردات وبصل وثوم وزنجبيل مبشور
و 2 عدد من مكعبات الماجي وبهارات مشكله مكون من كمون وكزبره و كركم وفلفل ولومي
اسود ناعم وملح وصفار الزعفران .. نجهز المكونات حسب ما يلي
نبتدي باسم الله
اول شي نقطع البصل ونحط على النار لحد ما يشقر قليلا .. حلوه قليلا هههههه
وعقب نضيف الدجاج بعد ما نقطعه ونغسله عدل ونشل منه الجلد ونخليه مدة ربع ساعه
على نار هادئ لحد ما ينشف السائل منه ويتغير لونه
ونضيف عليه الثوم والزنجبيل المبشور ونخلطهم ونحطه مدة 10 دقايق على نار هادئ
في هالوقت نجهز العيش ونحط فوقه صفار الزعفران ونخليه ع النار لحد ما يتبخر ويستوي
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وعقب 10 دقايق نضيف عليه المكونات الاتيه ونخلطهم ونحطهم مدة 10 دقائق
وعقب نضيف البهارات المذكوره اعلاه مع مكعبات الماجي ونخلطهم عدل ونحطهم مدة
10 دقايق ايضا على نار هادئ
نضيف عليه عدد نص ليتر ماء ونزيد النار للمتوسط
وبعد تقريبا ربع ساعه نضيف البقدونس المفروم ونخلطه ونخليه لحد ما يغلظ قوامه
ويبقى قليل من السوائل بالصالونه
وهذا شكله عقب ما برزته
اول شي نحط العيش ونحط عليها الصالونه واختياري لو تبغون تضيفون بصل دوائر
او مقلي ..،
جربوها وان شاءلله تعجبكم
__________________________________________________ __________
>>>> الرد الثاني :
صحتين حبيبتي
__________________________________________________ __________
>>>> الرد الثالث :
ما شاء الله
تسلمي ايدج
__________________________________________________ __________
>>>> الرد الرابع :
تسلم ايد من طبخهااا
__________________________________________________ __________
>>>> الرد الخامس :
تسلم اييدج ..
يم يمي شكله لذيييذ ..
بجرب ا شااء الله طريقج ..
..~
رد مع اقتباس
