عنوان الموضوع : برياني ربيان ....
مقدم من طرف منتديات الضمير العربي
المقادير
3 أكواب عيش
حبتين بصل
طماطة
ملعقة كبيرة معجون ثوم وزنجبيل
ربع كوب بقدونس مفروم
نعناع مفروم (تقريباً ملعقة كبيرة)
علبة روب صغيرة ( أو نصف كوب)
كيسين ربيان مجمّد
بهارات (ملعقة كبيرة بزار – نص ملعقة كبيرة فلفل أسود – نص ملعقة كبيرة كمون – نص ملعقة كبيرة كزبرة ناشفة – ملعقة صغيرة كركم)
ملح
ملعقتين كبار معجون الكاري الحار (يباع في كارفور)
زيت زيتون
الطريقة
نغسل العيش زين.. ونخليه في الماي ربع ساعة بعدين نفوره ونحط ويا الماي أعواد جرفة وهيل
لين يستوي.. نشخله ونخليه على ينب
نغسل الربيان وننظفه لو فيه شي.. عقب ننقعه في زيت زيتون معاه شوي ملح وفلفل أسود ونص ليمونة (أفضل تنقعينه من الصبح لو بتسوين البرياني الظهر)
في جدر نحطي زيت زيتون تقريبا ملعقتين كبار.. بعدين البصل ومعجون الثوم والزنجبيل ونحركه لي ياخذ البصل لون .. نضيف الربيان ونقلبهم ونخليه شوي .. عقب نحط الطماط والبقدونس والنعناع
ونحركه بشكل جيد.. عقب نضيف البهارات كلها ونخليه على نار هادية 5 دقايق ويكون بهالصورة
نضيف معجون الكاري ونخلطهم.. بعدين الروب معاه شوي ملح للطعم ولو احتجنا نضيف فنيان ماي
ونخليها على نار هادية تقريبا عشر دقايق
نسكر عليه
وهذا شكله
نييب جدر ونحط نص كمية العيش .. عقب نضيف خلطة الربيان ونغطيه بالعيش
الحين على حسب أنا ضفت ماي ورد منقوع فيه زعفران
تقدرين تحطين كزبرة خضرا ونعناع.. بصل مقلي ومكسرات
وهذا الشكل النهائي
يارب يعيبكم والسموحة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نايس ماشاءالله
بالعافيه عليج ^^
__________________________________________________ __________
>>>> الرد الثاني :
يم يم يمييييييييييي
لذيييييييييييييييييييذ
اموووت في شي اسمه برياني
وامووووت في شي اسمه ربيان
تسلم ايدج ويعطيج العافية
__________________________________________________ __________
>>>> الرد الثالث :
يم يم يمييييييييييي
لذيييييييييييييييييييذ
__________________________________________________ __________
>>>> الرد الرابع :
__________________________________________________ __________
>>>> الرد الخامس :
ماشاء الله تسلم ايدك وبالعافية عليكم اختي
رد مع اقتباس
