عنوان الموضوع : [ مغش لحم ] !! طبخ الامارات
مقدم من طرف منتديات الضمير العربي
السلآم عليكم ورحمة الله وبركآته
شخبآركم يا حلوآت .. وشلون الطبخ والنفخ معاكم
معروف آن منطقة جيزآن تتميز بآكلات خاصة فيها
آكلات معظمها مستوحاة من الموروث اليمني.. بحكم قربنا من الحدود [IMG]https://www.shamoa.com/vb/shamoastyle/smilies/ne/n****a.gif[/IMG]
وكثير منكم .. يكون قد مرت عليه هالطبق ,, سواء شافه عند ناس يمنا ولا جوازنه
ولآ في آحد المطاعم اليمنية الشعبية<< طيب خلاص توصيف
ووصفتنا اليوم تعتمد اعتماد كلي على الآناء المستخدم فيه
<< متعوب ع الاناء لوووول
واللي هو القدر الحجري .. واللي نسميه في المنطقة ( المغش )
المغش آو المغشات بالجمععبارة عن آواني حجرية تصنع من صخور الجبال
ومنها ما يصنع من الفخار (الطين المحروق) ولكن الآكثر جودة مما كان من صخر الجبل !!
وفي بعضهم يميلون للغش بصناعتهفيدخلون الاسمنت مع الطين ويصنعونه
النوعية هاذي تكون قابلة للكسر والتفتت بسهولة !!
هنا صورة للمغشات متقمعين بآحد الآماكن المختصة ببيعها
( الصورة من النت جبتها )
آول ما تشترين آنا المغش يكون لونه رصاصي قريب للابيض .. ولا ينصح بالطبخ فيه مباشرة !!
فآول ما تشترونه وقبل الاستخدام .. جيبي المغش وشوية زيت آو سمن
وبيدك حاولي تمسحين على كل آنحاء المغش من جوا وبرا .. ويترك لمدة يوم وليلة آو اكثر لا مشكلة
الغرض من هالطريقة آو ما يسمي بـ (تدليس المغش)
آنه يحافظ عليه من الكسر آو التفتت عند التعرض لحرارة النار والفحم
ويتم استخدام هذا القدر (المغش) لطبخ مرقة اللحم في التنور (الميفا) آو على الفحم
ويمكن استبدال اللحم بالدجاج آو السمك كما يفعل البعض
لكن عن نفسي ما اقتنع فيه الا بـ اللحم
والتنور المستخدم عندنا عبارة عن جرة كبيرة من الفخار (الميفا)
يتم بناءها وسط كمية من الطين الخاص بالبناء (اللبن) حتى يحتفظ بالحرارة داخل الجرة !!
<< لو تجون اسواق جيزان الشعبية ولا اليمن راح تشوفونها بكثرة
بالرد القادم راح آعرفكم بالمغش وطريقة طهيه !!
وترا الصور مو كل الخطوات .. لآني ما كنت عاملة حسابي آول على موضوع
لكن بنت آختي كانت تصور جدتها (اللي هي آمي) وهي تجهز
وقررت بعدها اكمل تصوير الباقي واعتمده موضوع
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
* اللي قلت عندها حسب الرغبة تعتبر عندنا مو اساسية .. والبقية اساسي اكيد
نكمل
المقادير ما بتكون محددة
آحنا يومها كان عندنا ضيوف وجبنا ذبيحة كاملة حنذوا منها وسووا مغشات
تقريباً يومتها المغشات لحالها 6 آو 7 !!
المهم بعطيكم مقدار تقريبي لحوالي ثلآثة مغشات من الحجم الوسط
كل واحد ح ياخذ نص كيلو لحم
كيلو ونص لحم ضآن مقطع
( يفضل وجود الشحم مع اللحم بس مو بكثرة .. لآنه يضيف مذاق اطيب للمغش )
4 أو 5 بطاطس مقشر ومقطع مكعبات كبار
4 حبات طماطم وسط
( كوسا وباميا ) حسب الرغبة << احنا مافيه طبعا بصل مقطع مكعبات
البهارات
فلفل اسود + كمون + كركم + ثوم
زنجبيل اخضر حسب الرغبة + فلفل حار حسب الرغبة
<< آمي تكثر فلفل اسود وتستغني عن الفلفل الحار
بهارات مشكلة اضافية حسب الرغبة
آول خطوة نقوم بتنظيف التنور من بقايا الفحم الآول (هالمرحلة نسميها جش الميفا)
<< مأخوذة من الجش واللي هو فحم الخشب بعد الاحتراق .. تسميتنا طبعاً لووول
خلآص نظفنا الميفا وجهزناه وحطينا الحطب (وتوصوا بالحطب) كل مازادت حرارة التنور كل ما طاب المغش
بسم الله وشبينا النااار
الطماطم والبطاطس غسلناهم وحضرناهم .. وقشرنا الثوم .. ومتوصيين بالثوم ههههههه
خلاص جاهزين وياللا نبتدي نجهز المغش حقنا
الفلفل والكمون نحطهم بالنجر تمهيداً لدقهم ..
طبعاً حلاتهم يندقون بوقتها .. احس استخدام البهارات المطحونة ما تفي بالمطلوب هع
بدينا نحط آول شي البصل المقطع .. يليهم البطاطس
( طبعاً لا زيت ولا آي نوع من أنواع الدهن )
ونحط اللحمة المغسولة في المغش فوق البطاطس .. ونبتدي نقطع الطماطم ونحطها فوقها ..
بعد ما دقينا البهارات والثوم كلهم مع بعض .. نبتدي نحطهم فوق اللحمة والطماطم
اللحين نصب مويا فاترة في المغشات .. بس ما نكثر !!
حاجة بسيطة بحيث آنو نقدر نحرك البهارات وتذوب هي والملح شوي
* بقية المويا راح نصبها لمن ننزلهم في التنور ..
ونحط آخر شي الملح من فوق .. طبعاً ربة البيت ما يحتاج تعرف كم تحط ملح من غير مقدار
رحنا اللحين نشيك على الميفا .. ونشوف وين وصل مستوى الحطب المحترق
وممكن تلاقون حطبة طايحة من هنا ولا هناك .. ردوهم للميفا من جديد !!
طبعاً كانت ذبيحة كاملة .. آخذنا الايدي + الرقبة + الاضلع + الرأس
وبهرتها آمي عشان تحنذهم .. وبتكون بنفس الميفا طبعاً !!
تغليف الحنيذ بالقصدير اختياري .. في ناس تحب تغلف وناس
يتبع
__________________________________________________ __________
>>>> الرد الثاني :
نكمل
وصلنا اللحين لأهم نقطة .. ترى الكل سهل آلا هنا !!
صراحة التنزيل جوات الميفا تعتبر الخطوة اللي ما قدرت اسويها << خايفة لا تحرق ذراعها
فآمي الله يخليها منوطة بالنقطة هاذي .. وآحنا نوقف نساعدها
بالآول راح نشيل الحطب الزايد واللي ما تجمر ..
ونحطه في الارض ونرش عليه مويا لمن تطفي النار !!
شآيفين هنا كيف الجمر ملهلب .. والكمية كبيرة طبعاً لآنها ذبيحة كاملة
نبدأ ننزل المغشات واحد ورا الثاني .. ولآنهم كثير نحاول نصفهم جنب بحيث ما يميلوا وتسيل مرقتهم
بعض الآحيان لمن تكون كثيرة .. تستخدم امي مثل الشبك حق شوي الدجاج وتحطه دور ثاني
<< فديتها امي مفكرة عبقرية
اللحين نبتدي نصب بقية المويا الدافية في المغشات .. عشان تكون المرقة كميتها كافية !!
حطينا الحنيذ .. من فوقهم طبعاً .. ولآن الميفا في تقريباً ثلاث رزمتين آو ثلاث حطب
فهذا كفيل آنه يسووي كل الموجود فيه .. واستواء مضبوط كماان
نحط فوق فتحة الميفا الغطا المستخدم
( عبارة عن صحن عزايم عادي وفوقه خيش رز من الكبار عشان تحفظ الحرارة )
فوق الصحن نحط بلكة أو بلكتين << شفتي يا فاهية آحنا ثنتين بُلك
وبعدها تجيب خرقة قطنية خاصة للميفا ( وهي قمصان بيت قطنية قديمة ونظيفة )
نبللها بمويا ونعصرها ونلفها داير مدار حوالين الصحن .. وتكون بين الصحن وفتحة التنور
والغرض منها انه تحفظ حرارة الميفا من التسرب !!
تقريباً راح يحتاج من ثلاث إلى خمس ساعات .. على حسب حرارة التنور
وبعدها نفتحه ونطلعه ويقدم بنفس المغش .. ما ينغرف بصحون !!
وهاذا المغش جاااهز
هاذي اخر صورة اخذتها له ههههههه .. شوفوا شلون تتحمر اللحمة والبطاطس بالطبقة العلوية
وهنا حبيت آوريكم شلون يكون شكله لو حرارة التنور مو عالية
صحيح يكون مستوي .. بس مو ذاك الزود .. ونكهة التحمير ما في للاسف !!
* كيف ممكن نسوي مغش لو مافي تنور ؟!
في طريقة سهلة .. صحيح تنقصها النكهة الخاصة بالميفا بس كثير يسوونها
سوي مرقة اللحم عادي في القدر كأنها للأكل جاهزة .. جيبي المغش وانقلي فيه المرقة مع اللحم
واشعلي الفرن على الشواية العلوية على درجة حرارة مرتفعة شوي ..
ودخليه الفرن يتحمر على الوجه .. وآهو ع الآقل تذوقون الآكل في المغش ^^
يقدم المغش مع الرز .. آو الخمير ( خبز حامض متخمر)
وكمان يقدم مع اللحوح .. وفي ناس يحطون المرقة على اللحوح أو الخمير
ويسسون المفتوت أو الحيسية الحامضة << مصطلحات جديدة صح
أشوفكم على خير
..
__________________________________________________ __________
>>>> الرد الثالث :
ما شاء الله عليج
__________________________________________________ __________
>>>> الرد الرابع :
ما شاءالله
يزاج الله خير ^^
__________________________________________________ __________
>>>> الرد الخامس :
شكله وايد يشهي .. مشكورة على النقل ..
رد مع اقتباس
