عنوان الموضوع : بـآستـا لـذيذة و سهلـة ومـآ تاخذ منج وقـت . . تنفع للمبتدئـآت بعـد ..،* من مطبخي
مقدم من طرف منتديات الضمير العربي

السلـآم عليكن والرحمـة .. شحـاالكن حبيبـــااتـي ،

أنا سبق و حطيـت صورة هالبـآستا ف موضوع [ شاركينـا شو كلتـي بالصـور ] .. أظن جيه اسمه

المهم إن حبيبتـي أم حمد طلبت منـي الطريقة ووعدتهـا ألبي لها الطلب بس ف موضوع مستقـل عسب الكل يستفيد بعد وأحط الطريقة بالصـور ..

بس بطيـت واايد لـأني انشغلت بالسفـر ويا الوالد الله يشافيه ، وأمور ثـانيـة ، ف السموحـة =)

ومستغربـات إن هـااذي أول مشـاركة لـي .. !
أنا نكـي الســاابق رونق دبـي ..


و بسـم الله أبتــدي ..



المقــااديـر :
مـــاجـي
كريمـة خفـق
ذرة
زيتـون [ يفضل يكون مقطـّع شرايح ]
صلصة المعكرونة
بروكلـي
مشـروم
صلصة الصـويا
جبن موزاريلا



نسيت أصور صلصة الصويـاا ف يبت الصورة هــااذي من النت ..



وهــااذي البــاستا نسيت أصورها قبل أفتح الجيسـة مالتهـاا ..









الطريـقة :
ننظـف البروكلـي ونحمسه فالمـاي عشان ينظف وخلـآف نقصه ونخليه بأحجام صغيـرة .. بهالصـورة


نحط الباستـا ف الجدر وطبعـا يكـون معبـاي مـاي ونتريـا لين تليـن ، بهالصـورة ..





ناخذ البـاستا نحطهـا ف المشخلـة ونخليهـا ع صـوب ..


الحيـنه بنشتغل ف بـاقي المقـادير ، و خلـآف بنضيف البـاستا اللي ف المشخلـة ..

نحط شـوية زيـت ف الجـدر لين يسخـن شويه ، ونحط مكعبيـن ماجي ونحمسهم ف الزيـت ..
نحط [ بروكلـي ، ذرة ، مشـروم ، صلصة الصويـا ( كاملة ) ، زيتـون ] ونحـرك الخليط شويـه ..











الحينـه نييـب البـاستا اللي ف المشخلـة ونحطهـا ف الجـدر ، ونحـرك ونيلس نجلب فالباستا ويا الخليـط عــــددددل عدل ، وها بيتطلب منكم مجهود يعني إذا ما قدرتي استعيني بالخدامة أو حد =) ..

عقب مـا حركنــاا .. نضيـف صلصة المعكرونة ( كاملة ) + كريمة الخفق ( كاملة ) ، ونحــرك ..
وبعد بنضيـف موزاريـلـآ و بحـرك ونجلـب فاللي ف الجـدر عـدل ..





بس راعوا إنكم تخلون النـار هــاادية ، مب واااايد وااايد ،، يعني بحيـث إنه ما ياخذ منكم وقـت وفنفس الوقت تضبـط الطبخة ..
بجـذي خلصنــاا الـأكلـة و عــواافـي ع قلوبكـــم ..


بــــــــس ،

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
نصيحتـي لج :
عقب ما تخلصيـن تـاخذين الـأكلة وتخلينهــا ف صينيـة فـرن ، وتحطين عليهـا زيتون و موزاريلـآ ..



حطيها ف الفـرن وكل شوي جيكـي ، وحلـــآآآآآته يوم تسيح الجبنـة عالبـــااستــاا .. يمممممممممي ،







وهي الـأكلة كلهـا ع بعضهــاا مــاا تـاخذ منج أكثـر من 20 دقيقـة ..

و ف النهـــااية .. أبغـي دعواتكن لعمتـي [ لـأن هـاذي طريقتها ] ، ربي يرزقهـا الزوج الصـالح ف القريب العــااجل ..
وأنا بصراحة تعبت لين أنسق الصور و الموضوع ف ســااعة استجــاابة [ قبل الفطور ] ، وكل هذا عسب يكون لي نصيب من دعواتكـن ومتـأكدة ما راح تبخلـون =) ..

__________________________________________________ __________

>>>> الرد الثاني :
ماشاء الله شكلها وااااااااااااو


تسلم ايدينج



♥ اللهم إنا نسألك نورآ نهتدى به ، ونسألك رزقآ نكتفى به ♥

__________________________________________________ __________

>>>> الرد الثالث :
يسلمج حبيبتـي ،،

يعطيج العافيـة غلـآيه ع المـرور


=)

__________________________________________________ __________

>>>> الرد الرابع :
ماشاء الله

روعه اختي

تسلمين ع الطبخه

ان شاء الله بجربها

__________________________________________________ __________

>>>> الرد الخامس :
حبيبتي انتي ..

ربي يسلمج ، لا تنسين تحطين لنا تطبيقج و رايج