عنوان الموضوع : ™*•.¸¸.™عيش ولحم ™.¸¸.•*™ طبق اماراتي
مقدم من طرف منتديات الضمير العربي
الطريقة :
أول شي طبعا نغسل اللحم وننقعه في جدر فيها ماي وبصل وثوم
(علشان نتخلص من الزفرة والدم )
بعد ساعة نغسل اللحم مرة ثانية بالماي ونركب الجدر على الجولة ونحط اللحم داخل الجدر
ونشغل الجولة وننطر ليمن تطلع الزفرة من اللحم ونشيلها
هني بلشت الزفرة تطلع
هني خلاص طلعت ونبلش نشيلها
بعدين نضيف البصل ( البصلة الوحده نقصها 4 قطع )
بعدين نضيف البهارات و قطع الطماط والجزر (وإذا عندج كوسه قصيها قطع كبار وضيفيها)
البهارات عبارة عن ( بهار مشكل وبهار لحم وورق غار وهيل و دارسين وكركم)
راح يصير جذيه شكله بعد البهارات والإضافات
يتبع...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحين نخلي النار متوسطة مو حيل عالية ونترك اللحم لمده ساعتين يطبخ ( الملح نضيفه بآخر نص ساعه)
قبل لا يستوي اللحم بساعه نغسل العيش ونقعه بماي
على ما يستوي اللحم بنسوي المرق والحشو
طبعا أنا سويت مرق بامية (من غير لحم )
أول شي نحط زيت بالجدر ونضيف له 5 فصوص ثوم مهروسه (ما نخلي الثوم يحترق)
وبعدين نضيف الطماط ( شرايح او تبين تحطينه بالخلاط وتهرسينه على راحتج)
لمى يذوب الطماط نضيف له علبة معجون طماط ( تقريبا 4 ملاعق طعام)
بعدين نضيفله ماي (من ماي اللحم ) و نضيف البامية وحبة لومي ونتبله بالملح
بعد ساعة راح يكون شكله جذيه
الحين صار دور الحشو
نحتاج حمص وكشمش ( زبيب) وصنوبر وبصل مقطع مكعبات متوسطة
طبعا الحمص ننقعه بماي حار نص ساعه بعدين نفوحه (نسلقه) ليمن يستوي
والكشمش ( زبيب ) نفوحه على النار لمده نص ساعة ليمن يصير جذيه
نحط البصل على النار (متوسطة) ليمن يذبل بعدين نضيف الكشمش ( زبيب )
وكل ما كان البصل وايد كل ما طلعت الحشوة احلى
يتبع...
__________________________________________________ __________
>>>> الرد الثاني :
لمى يتحمر الكشمش ( زبيب ) نضيف الحمص المسلوق
ونقلب وفي النهاية نضيف هيل مطحون وشوي بهار مشكل و ملح والصنوبر ( انا حمصته على جنب )
الشكل النهائي للحشو
بعد ما تمر ساعتين نطلع اللحم ونحطه في صينية الفرن
ونضيفله تتبيله عبارة ( ماي اللحم وصفار الزعفران وملح ليمون وليمونة وملح )
علشان ندخله الفرن علشان يتحمر
ندخلهم الفرن علشان يتحمرون ( الفرن من تحت اخف شي ومن فوق متوسط )
الحين صار دور العيش
بعد ما نقعناه ساعة هذا شكله بعد ساعه
ننظف ماي اللحم من البصل والطماط والجزر علشان نسوي العيش بالمشخال
وهذا شكل البصل والطماط والجزر
بعد ما نظفنا ماي اللحم نضيف الهيل وورق الغار والمسمار والشعيرية المحمصة
ملاحظه : نضيف الشعيرية قبل العيش علشان تلحق تستوي لأن العيش منقوع وبسرعه راح يستوي
فإذا حطينه العيش مع الشعيرية بنفس الوقت ماراح تلحق الشعيرية تستوي عدل
هذا شكله المرق
وبعد ما حطينا العيش
يتبع...
__________________________________________________ __________
>>>> الرد الثالث :
لازم يكون مستوى الماي اكثر شوي من العيش نفس جذيه
لاحظو الدهن مال اللحم على اطراف الجدر هذا راح يغنيني عن اضافة الكثير من الزيت للعيش
هني بعد ما بلش ينشف ماي العيش اضيف بودرة الزعفران
واضيف له ملعقة سمن لورباك
بعدين اهدي النار على العيش علشان يتخدر على راحته تقريبا ثلث ساعة
وأكون مجهز طماط شرايح وليمون وفلفل اخضر علشان الزينة
منقووووووووووووووول
__________________________________________________ __________
>>>> الرد الرابع :
واااااايد حلو يشهي ما شالله مشكورة
__________________________________________________ __________
>>>> الرد الخامس :
رد مع اقتباس
