عنوان الموضوع : ورق عنب الحامض طبخ الامارات
مقدم من طرف منتديات الضمير العربي



هلا خواتى اليوم انكسر ظهرى وانا قاعده اسوى الورق عنب بس قلت خل اصوره احسن المهم حبيباتى الى راح نحتاجه هو

1 كوب ارز مصرى واذا حبيتو اتزيدون كيفكم
كزبره وبقدونس وشبت
4 حبات طماط
2 بصل
3 فصوص ثوم
ملعقه صغيره من ملح اليمون
زيت زيتون
عصير حامض
ملح
2 بطاط
ورق عنب كلافونيا

طبعا خواتى انا حطيتهم كلهم فى الخلاط مال الخضره وخلطتهم بدل ما اقعد اقصص البصل بروحه او الطماط بروحه واذا ما عندكم الخلاط مال الخضره عادى قصوه بروحكم البصل والطماط والثوم والكزبره والبقدونس والشبت قطع اصغار وايد واخلطوهم مع بعض ورشو لهم اشوى من الزيت زيتون وملعقه صغيره من ملح اليمون وملعقه صغيره من الملح وشوى من العصير الحامض تقريبا 3 او 2 ملاعق ..والارز المصرى نسلقه على النار نص سلقه وعقب ما انخلص من سلقه انظيفه للحشوه ونخلطهم مع بعض .

وطبعا انيب جدر عود ونضيف له شوى من زيت الزيتون ونيب 2 حبه من البطاط انقشره وانقطعه دوائر ونصفه هو اول شى فى الجدر وعقب انحط فوقه حشوات الورق العنب الى سويناه بس بطريقه مرتبه عشان ما يخرب شغلكم وعقب ما تخلصون الاوراق كلها اترسوه ماى لين حد الورق او لين يوصل لمستوا الورق عنب اوكى وضيفو 1\2 كوب زيت زيتون وشوى من عصير الحامض وملح اليمون اشوى بس وملح اشوى بس وغطوه زين وحطوه فوق النار بس على نار وسط لين يجهز عندكم












ها بس لانه البخار اثر فيه بس طعمه روعه واتمنى اتجربونه وابا من كل وحده ادج تدعيلى انه ربى يحقق لى الى فى بالى يارب ياكريم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يمممممممممممممممي يجنن مشالله عليج من متى مالفيت محاشي طريقتج وااااااو بالعافيه عليج

__________________________________________________ __________

>>>> الرد الثاني :
يمي يمي شكله لذيذ
يعطيج العافية واللي في بالج بعد

__________________________________________________ __________

>>>> الرد الثالث :

المشاركة الأصلية كتبت بواسطة حرم الغلا
يمممممممممممممممي يجنن مشالله عليج من متى مالفيت محاشي طريقتج وااااااو بالعافيه عليج



مشكوره حبى

__________________________________________________ __________

>>>> الرد الرابع :

المشاركة الأصلية كتبت بواسطة @أم عمر@
يمي يمي شكله لذيذ
يعطيج العافية واللي في بالج بعد



هى لذيذ واايد

__________________________________________________ __________

>>>> الرد الخامس :
ماشاء الله إمبيين عليه لذييييذ تسلم إيدييييج ..