عنوان الموضوع : بريانى هندى على اصوله ينافس المطاعم الهنديه من مطبخ الامارات
مقدم من طرف منتديات الضمير العربي



السلام عليكم اشحالكم خواتى اليوم يايبه لكم طريقتى السريه في البريانى









1-اول شيء نجيب دجاجه ونقطعها ثماني قطع ونغسلها عدل


ونجيب بهارات مدراس الى بالصورة وعلبة زبادي ومعجون الزنجبيل ((بصلتين وقطعه زنجبيل وفصين ثوم وشوى ملح ونخلطهم فالخلاط بيصبحون مثل المعجون مثل الصورة))



2-نخلط المقادير السابقة مع بعض مع اضافة قليل من الكركم والزعفران والملح وكمون او بهار يخطر في بالج


بعدين جيبى البهارات الغير مطحونه تجى في كيس مشكله مع بعض ورق الغار اذا وجد واذا مب متوفر طنشي هذى الخطوة ((انا احب هذى الخطوة تعطي نكهة فالاكل )) المهم ناخذ البهارات ونحمى الزيت وقليه بتشوفين ريحة المطبخ حلوة


بعد ذالك ضيفيه على خلطة الدجاج اتركى الدجاج مع الخلطة نص ساعة



3- نقطع البصل تقريبا بصلتين ونحمره

ونحضر معجون الزنجبيل نفس الخطوة السابقة (بصلتين مع قطعة زنجبيل وفصين ثوم وملح ونخلطه بالخلاط))




نضيفه بعد ذالك على البصل المحمر ونحط عليه ملح ونتركه دقائق



وبعدين نحط عليه بشر ليمونه ((تأخذين الليمونه وتبشرينها بالمبشره))



ونحط شويه نعناع بس نغسله ونضيفه





نحضر خمس حبات من الطماطم ونقشرهم ونحطهم فالخلاط ونخلطهم بعدين نضيفه على البصل الى فالنار



ونضيف عليه بهارات((بهارات مدراس)) وكركم وملح
وعلبه طماطم معجون وحبة فلفل اخضر حااااااار
ونتركه خمس دقايق مع التحريك


ونحط فوقه الدجاج مع خلطته ونحركه ونتركه تقريبا نص ساعه حتى ينضج الدجاج


الحين نحضر الرز العيش كطريقه المعتادة

نغسله عدل وننقعه فالماي

ثم نغلى ماى ونحط فيه ملح وقليل من البهارات الجافة ((الحب غير المطحونه)) ونضيف الرز نتركه خمس دقايق ثم نصفيه من الماى


الحين نحط الرز فوق الدجاج الى سويناه

بعد ذالك نحط في جنب الصبغه الحمره وجنب اخر الصبغه الصفره

مب لازم بس سر الاكل الهندى



وفوقه الزعفران

ونغطي القدر ونحطه ع نار خفيفه لمدة نص ساعه

وصحة وعافية
اكيد بتسألونى عن الصبغه الصبغه عبارة عن لون للطعام و معلقه صغيرة حليب نخلطه مع بعض







الطبخه جاهزة اخلطي الرز مع بعض وحطى فوقه بصل مقلي ومكسرات مقليه



ويا سلام لو تقدمينها مع روب مخلوط وياه بصل اخضر وفلفل حار وملح وشوى نعناع يابس وطماطم

وصحة وعافية على قلوبكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يم يم يمييييييييييييييييييييييييييييييييي حلوووووووووووووووو شكلها

__________________________________________________ __________

>>>> الرد الثاني :
ماشااء الله عليييييج شكله يشهي

انا طريقتي وايد غيير بس صدق طعمهاا جناان

والبريااني له جذاا طريقه

علييكم بالعافيه خيتوو



__________________________________________________ __________

>>>> الرد الثالث :
عيبتني طريقتج واايد وشكلها ماشالله حلوه
الريحه وصلتني وشهيتيني

ان شالله بجربها بالويكند وبخبرج بالنتيجه

تسلمين الغلا

__________________________________________________ __________

>>>> الرد الرابع :
ماشاء الله روووعه وانا ما جذبت خبر سرت وزقرت شغالتيه الهنديه وقلت لها تعالي وسوي لي شرات هالبرياني الغاوي لاني والله من الصبح محتاره شو اسوي للغداء ومن شفت طبختج الغاويه قررررت ... يعطيج العافيه


ميروووه

__________________________________________________ __________

>>>> الرد الخامس :
♥░♥░♥░♥░♥░♥░♥░♥░
السلام عليكم ورحمة الله وبركاته
::♥::♥::♥::♥::♥::♥::
::♥::♥::♥::♥::♥::
::♥::♥::♥::♥::
::♥::♥::♥::
::♥::♥::
::♥::
::
أتمنالج التوفيق اختي الغالية
::
::♥::
::♥::♥::
::♥::♥::♥::
﴿( اللهم أنت ربى لا اله إلا أنت خلقتني وأنا عبدك وأنا على عهدك ووعدك مااستطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فانه لا يغفر الذنوب ألا أنت ﴾﴾
اللهم اعف عنا وعافنا يا مجيب الدعاء"
::♥::♥::♥::♥::
::♥::♥::♥::♥::♥::
::♥::♥::♥::♥::♥::♥::
تحيااتي الطيبة لج
أختج شما المحيربي

✿(•◕ ‿◕•)✿
♥░♥░♥░♥░♥░♥░♥░♥░