عنوان الموضوع : && طريقة لعمل الدونات بالمكينة && من مطبخي
مقدم من طرف منتديات الضمير العربي
السلام عليكم ورحمة الله وبركاته
شحالكم خواتي الأعزاء
عندي لكم طريقة لعمل الدونات ما ادري جان تعرفونها ولا ما تعرفونها
المهم بعطيكم المقادير :
6 بيضات
6 فناجين سكر
نص فنجان ماء ورد مع نص ملعقة هيل مع شويه زعفران
6 فناجين زيت
6 فناجين طحين رقم 1
ملعقة صغيرة بيكنج بودر
أما بالنسبة للطريقة :
بأنج يالغالية تعجنين المقادير عدل كلها في وعاء ( طاسه )
وتخلينها تقريبا نص ساعة
وبعدين تخبزينها في المكينة الخاصة لعمل الدونات
بس تحملي عن تحترق عليج وتتفشلين جدام اهلج
وتتهمين الخدامة انها هي اللي خبزتها مو انتي
هههههههههههههههههههههههه
وبس وبالعافية عليكم
وان شاء الله تضبط معاكم
لحظة قبل ما تغيرون الصفحة عندي لكم ملاحظة :
" في وحدة قالت لي هاي طريقة الخنفروش مو طريقة دونات "
جان اقولها عاد انتي اكليها ولا تقولين شي
دونات ولا خنفروش المهم شي ينوكل
اختكم / امل الحياة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تسلمين على الوصفة اختي بس يا ريت تحطين صور
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
المشاركة الأصلية كتبت بواسطة الطيبة
تسلمين على الوصفة اختي بس يا ريت تحطين صور
الله يسلمج يالغلا
ومشكورة ع الحضور
__________________________________________________ __________
>>>> الرد الخامس :
المشاركة الأصلية كتبت بواسطة hoooor
سلمتي
الله يسلمج يالغلا
رد مع اقتباس
