عنوان الموضوع : !!..اللقيمات المقرمشه ..!! طبق رئيسي
مقدم من طرف منتديات الضمير العربي
السلام عليكن ياخوياتي اشحالكن ؟؟
وعساكن بخير ؟
اليوم بحط لكن طريقة اللقيمات
بس غير عن اللقيمات اللي تعودنا عليها
انا تذكرت اللقيمات اللي قبل اهلنا يسوونها لنا قلت بجرب
والحمدلله عجبت عيالي وابو العيال اهم شي هههه
والحين كل مايطلبون اللقيمات يطلبون هذي
اللقيمات .
عاد قلت بحط الطريقه لخوياتي وبناتي حتى يجربونها
يالله بخليكن مع المقادير وطريقه .
المقادير .
1- جيلة طحين رقم (1)
2- ملعقه سكر
1- ملعقه خميره فوريه
نص ملعقه ملح
1 ونص كوب ماء
1- كوب زيت
زعفران وهيل اختياري
ولتزيين جوز الهند محمص
وسمسم محمص
الطريقه .
نحط كل المقادير مع بعض ماعدي الزيت ونعجنهم بالماي
ونخلي العجينه تتخمر تقريبا ساعه
نحط ع النار قلايه تيفال ونحط فيها الزيت الكوب
ونخليه لين يسخن وتكون الحراره متوسطه حتى مايحترق اللقيمات علينا .
وهذي صوره اقرب للقيمات
اتمنى تعجبكم اللقيمات وتستمتعون فيها ..~
Vitamin C
( امــ محمد )
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماشاء الله روعه شكلها ان شاء الله بجربها
__________________________________________________ __________
>>>> الرد الثاني :
ما شاء الله شكلها لذيذه
__________________________________________________ __________
>>>> الرد الثالث :
المشاركة الأصلية كتبت بواسطة لابتوب احمر
ماشاء الله روعه شكلها ان شاء الله بجربها
اشكرج يالغلا ع مرورج
وان شااء الله اجربينها وماتندمين
وبالعاافيه عليكم ..~
__________________________________________________ __________
>>>> الرد الرابع :
ما شاء الله شكلها لذيذه
تسلمين يالغلا منوره بردج ..~
__________________________________________________ __________
>>>> الرد الخامس :
يزاج الله خير, بجربها ريلي يحبها جي
تسلمين فديتج ع ردج وجربيها وان شااء الله تعجبكم ..~
رد مع اقتباس
