عنوان الموضوع : محلــــــــــــــــــى سريييييييييييع .. ما ياخذ منج وقت طبق اماراتي
مقدم من طرف منتديات الضمير العربي




محلى سريييييييييييع

السلام عليكم ورحمة الله وبركاته

كما عودتكم دايما .. اوافيكم باجدد الاكلات السريعة


يايبة لكم اليوم طريقة محلى سرييييييييع .. ما يحتاي اكثر من نص ساعة .. بعد اقل يمكن


ينفع هالمحلى لريوق .. لقهوة العصر .. للعشا



المقادير
بيضة
زيت رشة خفيفة
طحين حسب كمية المحلى اللي تبينه (انا استخجمت 1 ونص تقريبا)
ماي للعجن (بعد استخدمت من كوب ونص – كوبين)
ملح



الطريقة:
اول شي اخلط البيضة مع رشة خفيفة من الزيت

بعدين ابدا اضيف الطحين والماي بالتناوب .. مرة طحين شوي ومرة ماي شوي ... لحد ما احصل على عجينة سائلة نوعا ما ..

الحين اضيف له رشة خفيفة من الملح

اكون في هالوقت سخنت الطوبي اللي بسوي عليه المحلى .. ودهنته بشوية زيت عالخفيف

ابدأ اصب العجيبة على شكل دوائر بواسطة الملعقة.. كما هو موضح بالصورة



اخليه لحد ما يحمر من تحت .. وبعدها اقلبه عالوجه الثاني.. واخليه بعد لحد ما يحمر ..



وهذا الشكل النهائي
شو رايكم؟؟؟؟ يشهي؟؟؟؟؟






ملاحظة:
انا احب اكله مع السكر .. اغمس المحلى في السكر .. في ناس ياكلونه مع عسل ...
يعني على راحتكم



وبالعافية عليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكوووووووورة ختيه عالطريقه ,,, انشا ءالله بجربها


وتسلم ايدج ^ــــــ^

__________________________________________________ __________

>>>> الرد الثاني :

المشاركة الأصلية كتبت بواسطة مـهرة
مشكوووووووورة ختيه عالطريقه ,,, انشا ءالله بجربها


وتسلم ايدج ^ــــــ^



العفو فديتج

جربيها وان شاء الله تعيبج

__________________________________________________ __________

>>>> الرد الثالث :
تسلمين ع الطريقه السهله ويعطيج العااااااافيه

__________________________________________________ __________

>>>> الرد الرابع :
مشكوووووره شوي نفس طريقة الجباب بس هذا مافي حليب وسكر وزعفران

__________________________________________________ __________

>>>> الرد الخامس :
الله شكله يشهي يمي يمي


ماشاء الله عليج ربي يحفظج


ان شاء الله بطبق وبشوف^_^