عنوان الموضوع : ورق عنب على شكل بجعة :12 (11):
مقدم من طرف منتديات الضمير العربي

السلام عليكم خواتي

حبيت اشاركم صور شي من ابداعي ممكن يفيدج اذا عندج عزيمة و يطلع انتيكة على السفرة و خاصة اذا كنتي مسوية بوفيه



عاد اسمحولي على التصوير ما كنت متفيجة و الوقت كان متاخر



اللي نحتاجه اول شي :


_الورق عنب يكون جاهز و مستوي و يفضل انج تستخدمين النوع اللي اوراقه ثقيله عشان ما يلعوزج و انتي تحطينه بالشكل
_ اناناس و يفضل يكون حجمه كبير عشان يشكل كمية كبيرة من الورق عنب
_اعواد اسنان

_المنيوم و شفاف


_موزة


نبدا بالطريقة :

اول شي نسوي الورق عنب مثل ما ذكرت قبل اشوي و نخليه على صوب
بعدين انيب الاناناسة و نشل راسها (حبيت راسها) قصدي الطرف اللي فيه الاوراق و لا الاشواك عاد ما اعرف كل شخص شو يسميها

و نقص الظرف الثاني من الاناناسة بعد عشان يسهل علينا عملية التفريغ
و بعدها نفرغ الاناناسة من الاناناس اللي فيها و يفضل استخدام سكينه كبيرة و تقصين الاطراف الداخلية بحذر عشان ما تخربين شكلها الخارجي و من فوق تقصين دايرة صغيرة عشان تدخلين فيها الموزة و اللي تمثل راس و رقبة البجعه (Swan)

طبعا قبل ما تثبتين حبات الورق عنب الاناناسه مفتوحة من الصوبين و فاضية في النص
انا نشفتها بالكلينكس من داخل عشان الماي اللي فيها ما ينصب علي الورق عنب و حشيتها من داخل بالالمنيوم عشان يسهل علي عملية التثبيت باستخدام الاعواد
و نبد الطرف الاول براس الاناناسة و نثبت الراس بالاعواد الخشبية و الطرف الثاني نخليه مثل ما هو محشو بالالمنيوم بس نتاكد ان يكون فيه كمية كافية من الالمنيوم تسويلنا الشكل المدبب



و نبدا انحط الورق عنب على الاناناسة و نثبت حبات الورق عنب بعود الاسنان و يفضل ان الاناناسة تكون موقفة بشكل طولي عسب يسهل العملية و تسوين الحركة نفسها لين تشوفين ان تقريبا الاناناسة بكبرها مغطاية بالورق عنب

تقصين الموزة من طرف واحد تقريبا ربع الموزة و تدخلين الطرف المصوص منها في الدايرة اللي قصيناها في الاناناس و تثبتين الموزة في هاي الفتحة

و بعين اتردين اتحطين كمن حبة ورق عنب حول الموزة و هي مثتبنه في الفتحة
يفضل ان تكون حبة من كل صوب و توضع طوليا بشكل يوازي الرقبة


و اخر طرف من الموزة نقدر نسويه مثل بوز (حلج /ثم) ونفتحة بالسكينة عشان ندخل فيه حبة وحدة ورق عنب.....و نرسم عيون للبجعه و بالاخير نحطلها شريطة عشان توضح عدل شكل البجعه

طبعا اهني بنكون خلصنا بس باجي لنا الطرف الثاني من الاناناسة الطرف اللي فيه الاشواك و هالطرف انثبته في البجعه في الصوب الثاني موب صوب الموزة عشان نشكل الريش اللي فيها


طبعا انتي بتسوينها قبل التقديم بفترة فالافضل انج تلفينها بالشفاف لين قبل وقت التقديم عشان يثبت لج قطع الورق عنب في الاناناسة و ما يطيحون كل ما حركتي الصحن

و عوااااافي ................

جذي بيكون الشكل الاخير لها


عاد انا كنت مسوتها حق وحدة من ربيعاتي تموت في الورق عنب و قلنا بنسويلها شي خطير بدال الكيكة في يوم ميلادها






و شوفو اهني الشباب في الدوام كيف قضو على الورق عنب و الاناناسة المسكينة تفصخت



اتمنى يعجبكم الموضوع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حلوة الفكرة
وناسة

__________________________________________________ __________

>>>> الرد الثاني :
حلوه و الله فكره

__________________________________________________ __________

>>>> الرد الثالث :
روعه بس لوالربطه ورديه او بيظه احلى والعيوت لوكنتي حاطه زيتونتين

__________________________________________________ __________

>>>> الرد الرابع :
عاد اسمحولي انا مالي بالمنتديات موووول
حطيت الموضوع في هالقسم لاني كنت بحط موضوع ثاني و عقب غيرت رايي
و ما اعرف اانقل الموضوع
shaima_20, اليامي مريامي , dxbaii
شكرا على المرور حبيباتي و ان شا الله تطبقون الفكرة تراها عجيبة و الكل يتخبل عليها

dxbaii
عاد على هاك الوقت ما كلن عندي الا هاي و جربت ربطة خفيفه كانت تطيح
ف يت هاي ف بالي و ادت المطلوب

__________________________________________________ __________

>>>> الرد الخامس :
✿ ✿ ✿


حبييييييييييييت الفكــره
وشهيتيني ورق العنب

تسلم ايدج يالغلآآ ويعطيج العآآفيه



✿ ✿ ✿