عنوان الموضوع : بشت زايد...
مقدم من طرف منتديات الضمير العربي

*بشت زايد

هلا خواتي،، بعد نجاحي ف انزال اول صورة لموضوعي حلا الشمام بالجيلي، وبعد نجاحي بتصغيييير الصور،،*

هذا موضوع جديد وف قسم جديد،، وارجو انه ينال استحسانكم..

يلا نبدا بسم الله..

المقادير:
5بيضات
2 كوب *طحين
1 حليب ابو قوس
1 ملعقه صغيرة بيكنج بودر
1 ملعقة صغيرة خميرة
3 ملاعق طعام حليب بودره
زعفران حسب الرغبه
هال حسب الرغبه
رشة ملح
فنجان سكر
ماء واايد دافي

الطريقة:
تخلطينة كله مع بعض ف المولينكس
على دفعات ويكون قوامه مثل الحليب السائل او اخف من المحلا العادي.. وممكن تخلطيه يدوي المهم ما يكون فيه كتل..
وعقب تبدين تسوينه ف تاوه تيفال ، شغلي النار وخلي التاوة تحر، وما يحتاي تضيفي زيت..تصبي فيها بالمغرفة وتدوريه ع شكل قرص وبعدين ترجعي الباجي ف العجينه،، لانا نريد القرص يكون خفيييف مثل الورقة..
وتخليه يحمر وبعدين تجلبيه بشويش عشان ما ينقطع عليج،، انا ما قدرت اشله بالملاس المسطح فكنت ابطل الحافة شوي وبعدين اشله بايدي بسرعة واجلبه..*

وهذا اول قرص*

https://db.tt/RlC6SJvN

لاحضوا كيف خفييييف..


وهنيه لما جلبته

https://db.tt/bkUH5e9M

وهذي الكمية كلها

https://db.tt/z4a85s7T

وهذا القرص لاول وحدة ترد علي...

https://db.tt/26aTqznP

تعذيب صح*


تم بحمد الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماشاء الله

صدق تعذييييب ،،، شكله يشهي

وماينشبع منه ،،روعه الصراحه ،،ليش ماعزمتيني

لاتحرمينا من هالشغلات الحلوة

__________________________________________________ __________

>>>> الرد الثاني :
تسلمي اختي،،،

اسعدني مرورج الطيب وكلامج اللذيذ

__________________________________________________ __________

>>>> الرد الثالث :
حلو الاسم اللي اخترعتيه ..

الله يرحمك يا زايد الخير

وصدق طعم القرص لذيييذ

تسلمين ع الطريقة

__________________________________________________ __________

>>>> الرد الرابع :
يعطيج العافيه

__________________________________________________ __________

>>>> الرد الخامس :

المشاركة الأصلية كتبت بواسطة UAEminded
حلو الاسم اللي اخترعتيه ..

الله يرحمك يا زايد الخير

وصدق طعم القرص لذيييذ

تسلمين ع الطريقة



مشكووورة اختي ع الرد الطيب..
وفي نقطة احب اوضحها وهي انه هذي اكلة تراثية ومشهورة عندنا ف العين ع الاقل،، ومب اي حد يضبطها لانه يبالها صبر وسرعة ف نفس الوقت.. ولو سويتي بحث ف الجوجل بتحصلي اكثر من طريقة وجربت معظمهن،، لكن هذي الافضل فيهن.. وحبيت اشارككم بيها