((بنات راح انقطع عن المنتدى يمكن لفتره قصيره او طويله لضروف صحيه تقبلو تحياتى ))مساااااااكم الله بألف خييييير, من امس كان ودى وكنت معزمه اسوى خليه النحل بس كنت اباها بطريقه اختى شكولاته , وخبرت اختى شكولاته وحليلها ماقصرت وطرشت لى المقادير اليوم الصبح بس عقب ما انا سويت مالتى لانها تأخرت على بس نصف ساعه وعقب ماخلصت عجينتى شفت حبيبتى شكولاته مطرشه طريقتها فديتها , بس مره ثانيه بسوى مالتها أكيييييييد^^
((بنات مايصير دوم المشاهدات اكثر من الردود حتى ولو بدعوه مقبوله مو بس ادشون وتطلعون ^^
المهم اتركم مع المقااادير ^^
2 فنجان قهوه سكر
3 كوب ونصف طحين منخول زين
1 كوب ماى دافئ مع اذابه 2 ملعقتين من الخميرهفيه ونتركه عشر دقايق عشان يتفاعل مع الماى
ربع كوب زيت
ربع ملعقه ملح
3 ملاعق اكبار حليب نيدو بودر
اول شى اخلطو السكر ويا الزيت والماى الى مذوب فيه الخميره وحلين نيدو المجفف ويا الملح كلهم مع بعض زين مازين واخر شى ابدو ظيفو الدقيق مب مره وحده على دفعات وعجنوه زين خواتى واذا احتاج طحين ظيفو بس مب وايد وبعدين عق ماتحسون بانه العجينه صارت لينه وسهله التشكيل امسحوها بشوى زيت وسكرو على العجينه بالاى شى انا بقصدير اسكرها و خلوه يتخمر من ساعه لساعتين ..
[IMG]https://www.******.net/up2/uploads/images/******.net-68d4a3d43e.jpg[/IMG]
شوفو كيف اتخمرت وانتفخت زين
[IMG]https://www.******.net/up2/uploads/images/******.net-48a14f3b83.jpg[/IMG]
ورح تحتاجون الى جبن كيرى وسمسم
[IMG]https://www.******.net/up2/uploads/images/******.net-7275927a84.jpg[/IMG]
شوفو خواتى قمت وخديت قطعه من العجينه مب اكبيره وسط يعنى المهم بصطت العجينه بايدى وبعدين حطين قطعه اصغيره من جبن الكيرى وبعدين انسكر عليها وندورها بحيث اتكون عدنا شرات الكوره وبدأو صفصفوها باى صحن فرن تبونه بس امسحو صحن الفرن بشوى زيت
[IMG]https://www.******.net/up2/uploads/images/******.net-d86cd846f3.jpg[/IMG]
شفتو كيف شكلها عقب ما خلصت منها كلها , المهم خواتى عقب ماتترسونها وتخلصون امسحوها بالبيض على الويه ورشوها بالسمسم
[IMG]https://www.******.net/up2/uploads/images/******.net-973cabafac.jpg[/IMG]
وبها المرحله اندخلها الفرن على نار وسط مب حاميه وايد, من تحت عقب فوق, ولازم اتكونون امسوين شيره انا سويت 2 فنجان قهوه سكر وكوب ونصف ماى مع اضافه الهيل والزعفران وشويه فانيلياوسخنتهم فوق النار ويالله على الريحه صدق اخبال
[IMG]https://www.******.net/up2/uploads/images/******.net-419071ac94.jpg[/IMG]
[IMG]https://www.******.net/up2/uploads/images/******.net-3094f37137.jpg[/IMG]
وهى حاره اسقيتها بالشيره انزين ترسيها بس مب كله اخل اشوى من الشيره واخر شى نثرت فوقه نصف كوب من جوز الهند ويالله الريحه كانت صدق روعه ..
وان شااااااااء الله اتكونون فهمتو على رمساتى ودمتم بحفظ الرحمن
وحابه اشكر كل انسانه ادج مواضيعى , وكل انسانه دعت لى بالخير تسلمون لى خواتى ^^
المشاركة الأصلية كتبت بواسطة أحلى زعل
رد مع اقتباس
