هلا خواتي
حبيت احط بهالموضوع احلى تطبيقات طبقتها بمطبخي وللاسف معظم الاحيان اصور النتيجه بس بحط بعض الطرق عقب ان شاء الله
عجينه الفطاير والبيتزا:
احلى طريقه لعجينه الفطاير والبيتزا هيه العجينه الخاليه من الماي والمعجونه بلبن تطلع خفيفه ولينه وحلوه وااايد
خذتها من موقع كويتي والنتيجه كانت روعه
المقادير:
2.5 كوب طحين متعدد الاستعمالات
1 قوطي روب
نص كوب لبن
1.5 ملعقه كبيره خميره مذوبه بشوي ماي ومخلايه ربع ساعه تتخمر
1معلقه وربع بيكنج باودر
رشه ملح
3ملاعق كبيره سكر
ربع كوب زيت
انا معي عجانه وافضل دايما اذوب الخميره بشوي ماي واضيف السكر علسها وعقب اضيفها للمواد الجافه واعجنوعقب احط الزيت واعجن وعقب الروب واعجن وبعدها اضيف اللبن واعجن عدل لمده ماتقل عن 5 دقايق بالعجانه طبعا باليد بتاخذ اكثر
بعد ما نعجن المكونات ونخليها تتخمر بالشمس او بمكان دافي اقل شي ساعتين وشوفو النتيجه صورتهم عالسريع
عجينه الدونات
بصدق احلى من عجينه شيف شوكلاته للدونات ماحصلت للمبدعه دوم شوكلاته uae
رووووعه وطلعت مضبوطه معي ونفذتها بكل سهوله وهاي رابطها والنتيجه
https://forum.uaewomen.net/showthread...546&highlight=
كيكه النارجيل
من احلى الوصفات الي اسويها العصر لزوجي وولدي مع حليب مزعفر
الطريقه جدا سهله ماتخذ 5 دقايق
3 بيضات
1 ملعقه كبيره فانيليا
1 قوطي روب
استخدمو قوطي الروب كمقاس
1 قوطي سكر
3/4 قوطي زيت
1 قوطي نارجيل
1 قوطي طحين
1 ملعقه كبيره بيكنج باودر
نعجن المكونات بفرن مفتوح مسبق عدرجه 180 ونحطهم بالفرن لحد مايكون السطح ذهبي
وهاي النتيجه
طبعا عالتوبينج ممن نحط حليب محلى مركز وننثر فوقه نارجيل او شعيريه محمصه ع حسب الرغبه
عجينه الخبز بالجبن
طبعا هاي العجينه خذتها من المنتدى من الاخت شذرات
https://forum.uaewomen.net/showthread.php?t=1070824
شوي غيرت فيها ذوبت الخميره بربع كوب ماي وفنجان سكر وخمرتهم ربع ساعه وعقب ضفتهم عالمكونات الجافه والزيت وعجنت باللبن وزدت شوي باللبن عن ربع كوب الى ثلث كوب تقريبا والباقي كله نفس الشي الحمدلله النتيجه كانت حلوة وايد والخبز نفس خبز المطاعم التركيه واللبنانيه كنه رغيف خبز وحلو مع الحمص
انتظروني بعد بطريقتي المميزه للعيش
المشاركة الأصلية كتبت بواسطة Eleena
رد مع اقتباس
