عنوان الموضوع : المناقيـــــــش من مطبخي
مقدم من طرف منتديات الضمير العربي
المناقيــــــش
المقادير :
- ثلاث أكواب طحين أبيض "المطاحن الكويتية" وينفع بغيره من النوعية الجيدة.
- ربع كوب زيت عادي.
- ثلاث ملاعق كبيرة حليب بودرة.
- ملعقة صغيرة ملح "غير متروسه".
- ملعقة صغيرة خميرة فورية.
- كوب ماء دافيء (احيانا تحتاجين تزودين الطحين ملعقتين ثلاثة اذا كانت العجينة تحتاج).
طبعا العجينة لما تعجنيها لازم تكون طرية نوعا ما ولكن غير ملتصقة لا تخليها جامده وايد .
انا استخدم خلاط العجين لكن عادي ينفع خلطها باليد اذا ما كان عندك خلاط العجين.
اول شيء احط كل المقادير ما عدا الماء وافركها شوي وبعدين احط الماء واعجن حتى تتكون عجينة طرية قليلا غير ملتصقة.
واغطيها واخليها تخمر ساعه ونصف تقريبا واذا الجو بارد قد تحتاج اكثر من ساعة ونصف.
وبعد ذلك ارقها بالشوبك (الشوبك = فرادة العجين الخشب) ولا تخلين العجينة وايد سميكه خليها وسط وبعد ذلك اجيب صحن مدور واقطع دوائر حوالي يطلع معاي اربع دوائر من كمية العجين هذي طبعا اذا كنتِ تبغين حجمها للمناقيش واذا تبغين تصغرينها يطلع لك اكثر من هذا العدد من الدوائر على حسب راحتك.
مناقيش بالجبنه العكاوي
- جبنة عكاوي تشيكي (ضروري تشيكي لانها تذوب اما بعض انواع العكاوي لا يذوب) بالامارات تلاقونها بكارفور ومكتوب عند اللي يبيع الاجبان جبنة عكاوي (تشيكي).
طبعا تحطينها شوي بالماي وتخلين فيها طعم الملح شوي وتبرشينها بالمبرشه على الجهة الكبيرة.
- بعدين تحطين شوي زيت زيتون + رشة سمسم + رشة حبة البركة السوداء + نعناع ناشف (للي يحب) او بقدونس مفروم ناعم (حسب الرغبة)
تخلطينهم مع بعض بالملعقة وتحطينهم على العجينه ودخليها الفرن ولما تشوفينها استوت ترفعينها وتطلعلك مناقيش جبنه
مناقيش باللبنه والزيتون
تدهنين العجينة باللبنه وتحطين شوي زيت الزيتون وحبات زيتون مقطعه
ملاحظة: هذه العجينة تنفع لجميع أنواع الفطاير والمناقيش والبيتزا وهي هشه ولذيذة جدا وطرية وكل من ذاقها سأل على مقادير العجينة.
طبعا ممكن تسوينها صفيحة باللحمه من نفس العجينه وممكن تحطين اي حشوه ترغبين فيها .
والف صحة وهنا ،،،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
يعطيج العافيه على الوصفه انا اموت على مناقيش
الجبن والزعتر يمممى
بجرب وصفتج ومشكوره
__________________________________________________ __________
>>>> الرد الثالث :
__________________________________________________ __________
>>>> الرد الرابع :
تسلمين حبوبه ع الطريقه .... ^_^
__________________________________________________ __________
>>>> الرد الخامس :
رد مع اقتباس
