المقادير
حسب عدد الأشخاص
خبز صاج جاهز من الجمعية او من صنع ايدج بالبيت
مرتديلا ( سادة او بالزيتون )
جبن سلايسز او موزاريلا
جزر مبشور ( حسب الرغبة ) + مايونيييز
شرايح طماطم
شرايح حلوم
زعتر + شوية زيت زيتون ( ما أنصح انك تضيفين الزيت لأنه ينقع الخبزة بالشواية )
هذا الصاج
انا شوحت المرتديلا شوية بالشواية
احبه مستوي مو طري
ولو تشوحين الحلوم بعد بالمقلاة بس بدون زيت يطلع روعة بس انا كنت مستعجلة
طريقة اللف :
- فرشي الخبزة وحطي الحشوة من بداية الخبزة فوق ووزعيها عدل
عشان تلفينها عدل وبالتحميش ما تتشقق ولا تنقع من الحلوم
( الحلوم بعدين طماط بعدين الزعتر
وسفطيها من الجنب الأيمن والأيسر
بعدي لفيها مثل الرول بس لا تضغطينها وايد
خليها شويه عريضة
وحطيها بالشواية لما يسيح الجبن وتتحمش كثر ما تبين
المرتديلا نفس الطريقة
مرتديلا
بعدين طماط
انا ضفت شوية جزر بس نسيت اخلطه مع شوية مايونيز يطلع احلى
بعدين الجبن السلايسز
ولفيها بنفس الطريقة مع الحلوم
ودخليها الشواية تتحمش
احلى عشاء سريع
وممكن تنوعين بالحشوات على كييييييييييفك
مثل حمسة بطاط
فلافل + لبنة
نقانق بالجبن
اجبان منوعة مع بعض
وهذه النتيجة
بس انا استعجلت وقطعته وهو حار
نصيحة خليه يبرد وقصيه بالنص
منقوووول ^^
رد مع اقتباس
