عنوان الموضوع : خبز آلفَلَزي . . بآلصّور !
مقدم من طرف منتديات الضمير العربي
السلام عليكم ورحمه الله وبركآته ،
عآد بمآ انيّ الصبح نشيتَ من وقت
قلت بدش ويآ يدوه فديتهآ المطبخ
اول شي اسمحولي مآرمت آعرف المقاادير بالضضبط >,<"
كآنت كل شوي تزيد و تحط بسرعه فـ مآكنت آلحق
اصور و اعرف يعني الككمية بالضضبط !
حتى يوم قلت حق اميَ اني ابا اعرررف عسب آحطه ف المنتدى >.<"
قآلت يدتج لو قالتلج مثلا حطت خآشوقتين معناته هي حطت اكثر . .
بما معناه انها ما بتقولي كم حطت ، مآدري ليش خخخ
بسس ان شالله تكون الفكرة و الطريقه وآضضحه . .
هووو وايد سهل و مآيبآله ششي
( تريو الصور تتحمل )
آلمقادير : ملح ، زيت ، مآي ، طحين رقم 1 , طحين رقم 2 (نفس الكميه)
و طبعاً مآيكتمل الفلزي بدون آلمششآوه لاه
نبدأ بسم الله . .
مآي و فيه شويه ملح و زيت ! ( مآعرف كم بالضبط لانها حطت قبل لا ايي) >.<" !
نحط الطحين 1 & 2 !
( بعد مآعرف كم -.-" لآنها كنت مجهزه اول شي عقب قالت ييبو زياده و جي تلخبطت افكاري خخ )
بسس كآنت وآيد حآطه =)
و نعجن ونعجن ونعجن و نعجن ونعجن ونعجن ونعجن ونعجن . . . خخخ اكمل ؟
" لازم تضيفين ماي كل شوي و انتي تعجنين !"
لييين يستوي جي . . طآعو كيف يلصصق ع الايد
وخليه جي 5 دقآيق بس !
نبدا نقططعه و نسويه كور
لاحظوو حجمه كيف " لا كبير ولا صغير "
خذي واحد منهم و خليه جي ع النشابه ، انتي بس حطي وتمي حركي النشابه و هَوسي و هو بروحه بيلصصق فيه و تمي دوري النشابه و هوسسي عليه قوي
احينه نبدآ اول حبه بسم الله
نبدا نفرده بهاي الطريقه
وخلصنآ اول حبه =D
لآحظو كيف رفيييع وآيد
بعد فتره " ماشالله "
لازم نكون مبطلين الغآز من فتره عشان يحر " مآيستوي تسوين وهو بآرد "
و طبعاً نجهزز الزيت و المششآوه
ترآ المششآوه اذا مآكانت ف غرششه فيمتو يعني مب اصليه هههه
برب محد يرد بليز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عدنآ =)
و نبدآ بسم الله
خخخ و اتمين تجلبين ليين يستوي
و احينه تحطين المشاوه والزيت بشكل دائري
و آخر شي تجسفينه عقب مآتتآكدين انه خلاص من تحت استوى عدل
هني يدوه سوت حقهآ بس مآحطت زيت !
حطت بداله سمن ، قلتلهآ شو هذآ ؟
قآلت دهن بقر , مآ بتحصلينه هني يايبيلي من بلاد فرنسآ هههه !
قلتلهآ بطعم مآلج (a) !
طللع لذييييذ ، احلى من اللي تحطين فيه زيت عآدي , بس بيكون دسم اكثر طبعأً !
قلتلها انزين ليش ماتحطين فـ كلهم ؟
قالت لااا عقب بيخلص اخاف ماييبولي ! ( من فرنسآ طبعآ ) ههه
قلتلهآ شي ف الجمعيه !
قآلت لآ هآ غير . . مآل جمعيه مب زين ( اكيد بيكون غير لانه من فرنسآ خخخ)
خخخ نرد لمحور حديثنآ
خلصنآ مآشالله اول دفعه و كانت تقريبا تقريبا تقريبا 36 حبه !
مآبرآويكم الصور احينه هااهاهاهاي !
برآويكم ثآني دفعه ع السريع
لانه يدوه حسسته شوي ف قآلت بتسوي زيآده
عقب براويكم الفلزي كلله مره وحدده =)
قبل مآ تبتدي
شلت العجينه اللي كآنت ملصقتنهآ ع النششآبه لانها تيبست
" تشلينه بالسجين لانه بيكون قوي ولآصق "
و تعجنينه بشوي مآي وتردين تحطينه مرة ثآنيه ع النشآبه
هني حطت خاشوقتين ملح و 3 اغطيه زيت و مآي و طحين رقم 1 و 2 !
و هآ الطحين عقب مآ حطته ، خخخ شالفايده -.-"
اااااه للاسسف ما صورت قبل لا تحط =( واايد انقهرت >.<" !
بس هو كآن رقم 2 تقريبا باجي ربع وبينترس و رقم 1 اقل منه بشوي !خخخ
ثآني دفعه طلعت تقريبآ 21 حبه !
يعني مآشالله العدد الاجمآلي تقريبآ 57 حبه !
و هآي النتيجه !
كل وحده تآخذلهآ حبه خخخ "مب زطيه موول "
بسس يعني يمكن مآ يسد وينقص ع وحده منكم هيهيهي !
و هآ مآلي كلته حآر بـ حآر حلآته وهو حآآآر =D
ربي يطول بعمر يدتي و يعطيهآ الصحه والعآفيه و يريح قلبهآ و بآلهآ !
دعوآتكم . .
مع السلآمه!
__________________________________________________ __________
>>>> الرد الثاني :
امييييييييييين يارب ويعطيج الصحه والعافيه فديتج
ماقصرتي
__________________________________________________ __________
>>>> الرد الثالث :
تسلم الأيادي
__________________________________________________ __________
>>>> الرد الرابع :
الله يمد في عمرهاا و يحفظهاا و يسلمج
مشكوره عزيزتي
__________________________________________________ __________
>>>> الرد الخامس :
مشكوووره عالطريقه^^
رد مع اقتباس
