عنوان الموضوع : فاق التميّز { .. MadnEss of dEssErts <<عوده من جديد مع اجمل كب كيك وبكل نؤؤع..~ معجنات و سندويتشات
مقدم من طرف منتديات الضمير العربي
سلااااااام علييييييييكم..~
عوده من يديد واحمل لكم اجمل وارؤؤؤؤع الكب كييييييييييك..~
.
.
Chocolate Cups **
طريقه جديده لتقديم الشكولاته
عليها طعم خرااااااافي لا يمكن احد يصدق انها شغل بيت
مع انه مافيها اي منكهات قويه او سكر لكن ماتتخيلين الطعم اللي بيطلع لك
** المقـاديـر ..
شكولاته خام غامقه + جالكسي لتلبيس الاوراق
100 جم شكولاته خام غامقه
4 م ك جبنة فيلادلفيا
1 م ص سكر بودره
** الطـريقـهـ ..
اول شي نلبس القوالب بالشكولاته ،،
وبذكر لكم طريقتها بالتفصيل الممل لانها هي اكثر شي انسئل عنه عالخاص
ذوبي شكولاته خام ومعاها شوي جالكسي على حمام مائي ،
والسبب هنا لانه لو بتحطين جالكسي لحاله صح انه مررره لذيذ
بس عيبه يذوب بسرعه ويوسخ اليدين
والشكولاته الخام لحالها كويسه وماشي حالها بس الجالكسي يخفف شوي من مرارتها
مالي مقدار معين بخلط الثنتين ، على حسب اللي عندي واللي احصله ،،
بس غالبا لكل 100 جم شكولاته خام احط حبة جالكسي وحده..
جيبي الورق وبملعقة الشاي حطي شوي بالورقه وبظهر الملعقه ابدي اطلعي عالاطراف حتى تتغطى :
اذا حسيتي الطبقه مره نحيفه وبغيتي تثقلينها << خاصه ان بغيتي تشيلينها عن الورق بعدين ،،
بعد ماتجمد ارجعي عيدي الخطوات نفسها علشان تشكل طبقه عريضه ،
ودخليهم الثلاجه يبردون وممكن تتفرزن لوقت طويل من دون ماتتغير
نجي للحشـوه ::
ذوبي مقدار الشكولاته الخام على حمام مائي حتى يذوب تماما..
- ممكن اذا انتي حابه تضيفين لها شوي نسكافيه يعطي الشكولاته طعم لذيذ -
في هالوقت اخلطي جبنة الفيلادلفيا مع السكر البودره مضبوط حتى مايصير فيها كتل
صبي عليها الشكولاته واخلطيهم ، بتحسينها ثقلت مره والملعقه بصعوبه تتحرك ،
وحتى لو لقيتي فيها كتل بسيطه مو مشكله ، تتروح مع التشكيل
حطيها بالكيس حق التزيين وشكليها فوق الاوراق الملبسه
وزينيها من فوق بالمكسرات اللي تحبين ، ودخليها الثلاجه تبرد حتى وقت التقديم
من جد ماتتخيلون ان الطعم اللي بتذوقونه بس شكولاته وجبن
.
.
.
Snow Balls **
بسكويت شكولاته مرررره لذيذ وطعم
و تغيير عن الكوكيز العادي اللي يتصلح دايما ..
** المقــاديــر ..
خليط كوكيز بيتي كويكر ابيض
اصبع زبده مذوبه
بيضه
ربع كوب دقيق
ربع كوب كاكاو بودره
نصف كوب مكسرات مجروشه << استخدمت جوز
سكر بودره للتغطيه
شكولاته هيرشي كيسز ساده مثل اللي بالصوره :
** الطـريقــهـ ..
خوذي خليط الكوكيز الناشف وانخليه من الشكولاته اللي فيه
- لو بتحصلين علبة كوكيز بالسكر فهو افضل لكن للاسف نادرا ماتنلقى -
اخلطيه مع النواشف اللي بالمقادير بعدين اعجنيه بالزبده والبيضه حتى تطلع معك عجينه متماسكه ،
جيبي شكولاته هيرشي وخوذي شوي من العجينه ولبسيها فيها وحاولي قد ماتقدرين تكون طبقه نحيفه مررره
وحطيهم بصينية مدهونه بالزيت ودخليهم الفرن على درجة حرارة 350 لمدة 8 - 10 دقايق بس
انتبهي لاتطولين اكثر او تنتظرينها تحمر او تقولين لسه لينه ترى لو طولت بتصير زي الحجر وماتقدرين تاكلينها
بعد ماتطلع بخمس دقايق وهي حاره قلبيها بسكر بودره ..
واتركيها تبرد وارجعي قلبيها مره ثانيه حتى يمسك السكر فيها مضبوط ،،
احفظيها برا الثلاجه بعلبه مسكره زين ،، وبالعااااااافيه
.
.
.
Chocolate Cheesecake **
هذا الشيء اللي اعترف وبكل صراحه ان الموضوع كله علشانه
شي كلمة اجراااام قليله بحقه ، لايمكن يمر اسبوع بدون ما اصلحه واستمتع بالطعم
وماياخذ وقت بالتصليح كيكته مو مثل الكيك العادي ، تطلع لينه وتذوب بالفم وطعمممممه
والحشوه حكي ثاااااااني والجاناش حكااااااااايه
ياويلكم بعد كل هالمدح ماتصلحونه
** المقــاديــر بالاكواب المعياريـهـ ..
كوب دقيق
نصف كوب كاكاو بودره مُرّه
1 ملعقة شاي B.P
1 ملعقة شاي ملح
ثلاث ارباع اصبع زبده لين
ثلاث ارباع كوب سكر
بيضه
ثلثين كوب حليب سائل بدرجة حرارة الغرفه
** الحشــوهـ ..
100 جم جبنة فيلادلفيا << ثلث العلبه اللي حجمها 300 جم
2 م ك سكر بودره
فانيليا
2 م ك شكولاته اي نوع تحبين - غامقه او بالحليب - مقطعه قطع صغيره
** جـانـاش الشكـولاتـهـ ..
100 جم شكولاته خام غامقه ومقطعه صغار
نصف كوب كريمة خفق
نصف ملعقة شاي نسكافيه او اسبريسو
** الطريقــهـ ..
وزعي الاوراق بصينية الكب كيك ،،
اخلطي ( الدقيق + الكاكاو + الملح + B.P )
في العجانه او بالمضرب الكهربائي اخلطي الزبده والسكر مدة دقيقه او حتى يبهت لونهم ،،
اضيفي عليهم بيضه واخلطي حتى يتجانسون ..
اضيفي عليهم نصف كمية خليط الدقيق واخلطيهم زين بعدين اضيفي الحليب ،
واذا اختلطوا كلهم اضيفي باقي مقدار الدقيق واخلطيهم سوا واتركيه على جنب..
** الحشــوهـ ..
اخلطي مقادير الحشوه كلها مع بعض مضبوط حتى تروح كتل الجبنه ،،
في اوراق الكب كيك حطي شوي من خليط الكيك بعدين الحشوه بعدين غطيها بطبقه من الكيك ..
- كلما نحفتي طبقات الكيك وكثرتي من الجبن صارت ألذ -
ودخليها الفرن على درجة حرارة 350 مدة 20 دقيقه وطلعيها واتركيها تبرد ..
** طريقـة الجـانـاش ..
سخني كريمة الخفق على النار حتى تقارب الغليان بعدين ارفعيها
واضيفي عليها الشكولاته والنسكافيه وحركيهم سوا حتى يذوبون بالكريمه
واتركيها تبرد شوي حتى تثقل وصبيها عالكب كيك
بالنسبه لي احب اكلها بارده فأدخلها الثلاجه ، خيتو تقول انها الذ وهي بدرجه حرارة الغرفه
انتِ جربي وشوفي اللي يعجبك اكثر
جربيها وصدقيني بتدعين لي من لذتها ،،
يتبببببببببببببببببببببببع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
روووووووووووووووووووعه
عذااااااااااااااااااااااااااااب الصراحه
__________________________________________________ __________
>>>> الرد الثاني :
The Black Forest Cupcake **
اسميها سربرايز كب كيك لانه ماتتوقعين الاشياء اللي جواتها وانتي تاكلينها
شيك مره بالتقديم ولذيذه ، وافضل شي تتقدم مع العصير
** المقــاديــر ..
خليط كيك شكولاته بيتي كروكر تعملينه مثل مو مكتوب عالكرتون
او اي كيك شكولاته تضبطينه
** الحشــوهـ ..
250 جم جبنة فيلادلفيا
بيضه
2 م ك سكر
فانيليا
باي فيلينق فراوله او كرز
** للتزيـيــن ..
كريمة خفق
جبنة فيلادلفيا او ماسكربوني
سكر بودره
فانيليا
** الطريقــهـ ..
اخلطي مقادير الحشوه بالخلاط كلها مع بعض ،،
في اوراق الكب كيك صبي شوي من خليط الكيك بعدين حطي عليه ملعقه كبيره من الحشوه البيضاء
وحطي عليها شوي من الباي فيلينق وغطيها بشوي من خليط الشكولاته ..
ودخليها الفرن على درجة حرارة 350 لمدة 20 - 25 دقيقه ..
وطلعيها واتركيها تبرد ،،
بالنسبه للتغطيه : خفقت كريمة خفق بالعجانه حتى ثقلت وتماسكت ،
خلطت شوي جبن مع شوي سكر بودره وفانيليا << مالي مقدار محدد ولا اقيس بس اقدر من عندي
اخلطيهم زين حتى ينعم الخليط وتروح الكتل واضيفيه عالكريمه وبالملعقه << انتبهي لاتستخدمين الخلاط او المضرب
قلبي بس بشويش كأنك قاعده تثنين الخليط على بعضه علشان ماتسيح الكريمه ..
وحطيها بكيس التزيين وشكليها عالكب كيك وزينيها بالفراوله او الباي فيلينق او الشكولاته المبشوره
ودخليها الثلاجه تبرد حتى وقت التقديم وبالعااااااافيه
.
.
.
Chocolate Chips **
حلااااااااااا مرررررره سهل وينفع للزنقات ، فكرته كلها بنوع الشكولاته المستخدمه
** المقــاديـــر ..
علبة شكولاته شيبس زي اللي تشوفونها بالصوره
احصلها غالبا فمحلات باجه حقت الفصفص او عند الحمود
بسكوت شاي مطحون
بينت بتر
حليب نستله
** الطريقــهـ ..
قبل ماتبدين تشتغلين الافضل تكون الشكولاته موجوده بالثلاجه علشان تقدرين تشتغلين عليها ..
اخلطي البسكوت مع البينت بتر والنستله حتى يطلع لك خليط ناعم وسايل شوي ..
انا حطيته بكيس التزيين اسهل لي بالتوزيع ، وصبي منه شوي فوق شرائح الشكولاته ..
[IMG]https://d9wfpw.blu.livefilestore.com/y1pBafz3lkrl30Yj4VfZiieLFsik8ChvvaW68AUbZdokQ-ZEYgMnmG1uAYF2M1SFiw9waVjLZevgDhVGTIVrDFQ3***faXdE 1UR/DSC07801.JPG[/IMG]
وغطيها بطبقه ثانيه من الشكولاته واضغطي بس بشويييش علشان ماتنكسر الشكولاته ودخليه الثلاجه حتى يبرد ،،
وقدميه وبالعااااااافيه
__________________________________________________ __________
>>>> الرد الثالث :
يم يمي والله اني يوعانه وخااااااااااااااااااااطري فالكب كيك الي عليه فراوله .. واذا مب متوفر ابي الي عليه توت ههههههههه
يعطيح الف عاااااااافيه حبيبتي عالوصفات
__________________________________________________ __________
>>>> الرد الرابع :
روووووووووووعه يسلموو
__________________________________________________ __________
>>>> الرد الخامس :
تسلمييييين ،،،
كل وصفه ألذ عن الثانيه ..
تسلمين ع النقل .
رد مع اقتباس
