عنوان الموضوع : أحلى سويسول بالكاكاو من بنــuaeــت ... يم يم يم يمي المطبخ الاماراتي
مقدم من طرف منتديات الضمير العربي
السلام عليكم ورحمة الله وبركاته
شحالكن ؟؟؟؟؟
ما بطول عليكن
وببدأ بالشرح على طول
بسم الله نبدأ
المقاير :
1 كوب طحين
1 كوب سكر مطحون
5 بيضات تفصلين البياض عن الصفار
2 ملعقة كبيرة كاكاو بودرة ( خليهن نكود )
1/ 2 ملعقة صغيرة بيكربونات الصوديوم
1 / 2 ملعقة صغيرة بيكنج باودر
1 علبة فانيليا بودرة
أول شي تحطين بياض البيض ويا الفانيليا
نخفقهم عدل لين ما تتكون عندنا رغوة
عقب نضيف باقي المواد شوي شوي ونخلطهم عدل عدل عدل
عقب نييب صينية تيفال بس لازم تكون أكبر حجم ممكن للفرن انه يتحملها
وهذا أهم شي أن الصينية تكون عوودة
انا استخدمت الصينية اللي تكون أصلاً في الفرن
تدهينين الصينية بالزيت أو الزبدة
عقب تحطين ورق الزبدة بحيث أنها تطلع من الأطراف
وتدهنين الورق بالزيت
تصبين الخليط في الصينية
وتحطينها في الفرن تخبز من تحت درجة 180C لمدة 20 دقيقة
وعقب تحمرينها من فوق شوي
قبل ما تظهرينها من الفرن
تكونين مجهزة فوطة بحجم الصينية
عقب تحطين على الفوطة ورق زبدة بحجمها
يتبع ....... بليز محد يرد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الكيكة بعد ما انخبزت
على طول تجلبين الكيكة على ورق الزبدة اللي على الفوطة
عقب تبدين تلفين الكيكة بالفوطة وهي حارة بس شوي شوي بدون ما تضغطين ع الكيكة
تخلينها جي لمدة 7 دقايق
تجهزين نوتيلا
عقب تبدين تفتحين الفوطة بس لازم تحاذرين شوي شوي
عقب تسحبين ورق الزبدة اللي عليها . وشوي شوي .. عسب ما تتفتت لأنها بتكون حارة
تصبين النوتيلا فوق الكيكة كاملة
يتبع .....
__________________________________________________ __________
>>>> الرد الثاني :
الكيكة بعد ما اندهنت بالنوتيلا
الحين تلفين الكيكة روووول بدون ما تضغطين عليها ولا تنسين تاخذين حذرج وانتي تلفينها وتحطينها تحت ورق ألمنيوم ( قصدير ) ...
الحين تلفين القصير على الكيكة أول لفة ما تضغطين عليها
ثاني لفة تبدين تضغطين على الكيكة علشان تضيق حلقاتها
وكل ما تلفين تضغطين عدل
تحطينها في الفريزر لمدة ساعة ونص
عقب ما تتجمد عدل تفتحين روق القصدير عن الكيكة
تقطعين الكيكة شرائح
وبالعافية عليكم
__________________________________________________ __________
>>>> الرد الثالث :
اممممممممممممم صرااحه روعه رووووعه
تسلم ايدينج
ويعطيج الللف عافيه على الكيكة الحلوه
__________________________________________________ __________
>>>> الرد الرابع :
السلام عليكم
ماشاء الله عليكي أختي حلووايد ومشكورة على الوصفة الحلوة يجعلها ربي فميزان حسناتج
__________________________________________________ __________
>>>> الرد الخامس :
أشكركن على مروركن الذي أسعدني ^_^
رد مع اقتباس
