المقادير:
4 جالكسي الكبير
1 كيس شعيرية
1/2 علبة حليب مكثف
زبدة
1/2 كوب حليب سائل
1 بسكويت أوريو الكبير
أكواب بلاستيك (لأنك راح تتخلصين منها)
أول شيء نذوب الجالكسي في حمام مائي لين يصير جذي
بعدين نحطه في الأكواب
وعلى طول نحطه في الفريزر...ونخليه من 10 دقايق لــ 1/4 ساعة
ونكون امجهزين الشعرية اللي نحمرها مع الزبدة وعقب نصب الحليب المركز عليها وتصير جذي
نضع طبقة الشعيرية فوق طبقة الكاكاو
ومرة ثانية نرجعه الفريزر
ونجهز الطبقة الثالثة:
نحط الحليب السائل في الجدر مع بسكويت أوريو لين يذوب(انتبهي عن يحترق البسكويت لأن بسرعة يذوب)
ونحطه فوق طبقة الشعيرية ونرجعه مرة ثانية الفريزر..
وعقب نقص الكوب ونطلع السويت ويكون شكله جذي
الصراحة طعمه جنان
بس متعب في قص الأكواب واخراج السويت من الكوب....
عشان جذي قررت إني أسويه المرة الياية في قوالب السيلكون
عطوني رايكم...
رد مع اقتباس
