مساء الخير حبيباتي شحالكم عساكم مرتاحين طبعا قبل لا ابدا اقول للكل مبروووك عليكم هالايام الخيره والله يبلغنا وياكم السنه اليايه بالحج يارب وكل عام وانتوا بخير حبيباتي.................................
طبعا هذي اول مشاركه لي في قسم الطبخ وحابه احط كذا وصفه لكم لاني من النوع الي يحب يطبخ ودام اني اليوم شفت عمري مداومه وفاضيه قلت احطلكم هذي الوصفه الي راح تعجبكم وتعجب الاطفال باذن الله ودعواتكم لنا بالخير والعافيه ......................السموحه طولت عليكم ننتقل الى المقادير :
المقادير عبارة عن :كيس الكيك الجاهز طبعا نحن عندنا اكثر من ماركه انا احب استخدم هذي الماركه الي هي هشة جدا
عندنا الوان الصبغ الخاصه بالحلويات هذا شكلها
للتزين راح نستخدم النوتيلا وحلاوة mm ذات الحجم الكبير والصغير ومعاصير التزين الخاصه بالكيك انا استخدمت اللون الاسود والابيض بس
طبعا الحين راح نبدا بالعمل اولا نجهز خليط الكيك الجاهز على حسب مقاديره خلف الكيس بعد ماجهزنا الخليط نقسمه الى ثلاث اقسام عشان راح انلونه باللوان المطلوب على حسب الرغبه انا اخترت الازرق الغامق والاخضر والاحمر هذي صوره توضح تلوين الخليط وتقسيمه
بعد ما لونا الخليط نحضر صينيه دائريه الخاصه ونضع عليه ورق الزيت الخاص بالخبز
اهني بوضح لكم مراحل الكيكه من اول ماحطيتها لحد ماطلعتها من الفرن كيف كان شكلها
اخر صوره حطيت اليككه في صينية التقديم ومن الامام قطعت قطعه على شكل مثلث وحطيتها في ماخرت الدئره على اساس انها ذيل السمجه بهذا الشكل السمجه عندنا جاهزه للتزين عاد اسمحولي لضيق الوقت والصغاريه يتريون ماصورت خطوات التزين بس راح اشرح لكم اياها اول خطوه هي
نغطي السمجه بالكامل بكاكاو نوتيلا بعدين بمعصار اتزين الاسود نبداء نرسم الخياشيم واجزاء السمجه علشان تكون واضحه واخر شي نزينها بحلويات mm الصغار والكبار اما لضرس السمجه اخترت ام ام الي محشوه بالفول السوداني وحطيت اشويه من معصار الكيك الابيض على انه تقويم لضروسها خخخخخخخخخ حركه فكاهيه لعيال خواتي الحين راح اتركم مع الصور عشان توضح الفكره عندكم
هذي هي الصوره الي توضح السمجه بعد التزيين وطبعا انتوا لكم الحريه في تزينها .......
وهذا هو الشكل النهائي لسمجتنا الطيبه واتمنى انه فكرتي عيبتكم وانه الصور والشرح واضح ولا تنسونا من دعواتكم الطيبه لنا في هذي الايام المبروكه.....................
المشاركة الأصلية كتبت بواسطة ياقوتةخضرا
رد مع اقتباس
