عنوان الموضوع : حلا بالمختصر بس روووووعه وسهل الكل يبى يعرف كيف اسويه معجنات و سندويتشات
مقدم من طرف منتديات الضمير العربي

السلام عليكم ورحمة الله وبركاته رمضان كريم وتقبل الله وحشتوني ياأهل المنتدى طولت عليكم تزوجت للبحرين وقطعت هالمنتدى بسسس يبقى هالمنتدى حبيبي مااستغنى عنه وحبيت أني اخبركم عن حلى جمع بين الفواكه والحلا سويته قبل يومين للمعازيم والكـــــــل قال روووعه وافتكيت كانت أخر سفره وبدال الجلي بروحه او المحلبيه بروحها او الفواكه بروحها جمعت حلا وفواكه ^^ المهـــــــم
الحلا عباره عن 1الطبقه الاوللى وهي طبعا الارضيه تقطعين فواكه مشكله اللي تحبين أنا عني أهم فاكه تكون التفاح لانها تعطي طعم روعه تفاح وكثري وكرز وكيوي وشمام وفرسك على كيفج حتى لو تفاح بس حلو هاي الطبقه الاولى .
2الطبقه الثانيه تكسرين بسكوت جلكوز او اي بسكوت انا احب الجلكوز يطلع طعم مميز وترشين مكسرات مب مالحه انا عني ارش اغلب الاحيان لوز يطلع رهيب لا تخليه مطحون رشيه كي بدون طحن اودق


تجين بعدين3 الطبقه الثالثه تخلطين في طاسه 2 دريم ويب وفنجانين حليب سائل مال السعوديه او اي شي بعدين تظيفين باكيتين كريم كراميل وعلبة قشطه وملعقتين زبادي وفنجان حليب بودره واتمين تخلطين لين يثقل شوي تقدرين تظيفين حليب سائل اذا ثقل وايد بعدين تصبينه على الفواكه وترتبينه عدل من فوق وبعدها على كيفج تبين تزينيه بالعنب تقسمين الحبه نصين وتزينينه به او ترشين بسكويت مفتوت او ترشين حلاوه مبشوره او مكسرت براحتج انا اخر مره زينتها بعنب والمره اللي قبلها بالسائل مال الهيروشي طلع خباااال يارب يعجبكم بحاول انزل صورته لكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ترى ماقدرت اظهر الصور علموني نسيييت الطريقه ابى انزل الصوره من ملف في سطح المكتب

__________________________________________________ __________

>>>> الرد الثاني :
الله يوفقج اختي
تقبلي مروري اختج ابداع للتصميم

__________________________________________________ __________

>>>> الرد الثالث :

المشاركة الأصلية كتبت بواسطة همس الدماني
ترى ماقدرت اظهر الصور علموني نسيييت الطريقه ابى انزل الصوره من ملف في سطح المكتب



ونسيت أخبركم إنكم يوم تقطعون الفواكه لازم تقطعينها صغااار عشان يكون سهل الاكل مب فرم صغاريعني قطعيها نفس السلطه واللي تعرف اشلون انزل الصوره تعلمني الطريقه ماعليها امر ترى عند وايد حلويات وابى انزل صورهن مع الموضوع

__________________________________________________ __________

>>>> الرد الرابع :

المشاركة الأصلية كتبت بواسطة ابداااع للتصميم
الله يوفقج اختي
تقبلي مروري اختج ابداع للتصميم





الله يعطيج العافيه أختي ومشكوره عالمرور

__________________________________________________ __________

>>>> الرد الخامس :
تسلم الأيادي