عنوان الموضوع : حلويات بسيطه بطريقة فخمة ومقادير مضبوطه طبق اماراتي
مقدم من طرف منتديات الضمير العربي
بسم الله الرحمن الرحيم
مقاديرى البسيطه للحلويات العادية اللى مب لازم اكونين شاطره عشان اتسوينها
اولا : "المهلبية بالنشا بنكهات وألوان متعددة "
مقادير المهلبية السادة :
3 كاسات حليب سائل او 3 كاسات ماي مع 6 ملاعق حليب بودرة
3 ملاعق نشا متروسة
3 ملعقة سكر او حسب الرغبة
هيل مطحون + ماي الورد
الطريقه :
نخلط الكاستر والحليب مع بعض ونحطهم على النار بعدين نضيف السكر والهيل .. ونحرك باستمرار لحد ما تختفي الطبقة الشفافة اللى بتتكون معانا اثناء التحريك فنبدأ انحط ماء الورد .. اذا حبيتيه ايكون ثقيل خليه فترة اطول شوي وبعدين صبيه فى القوالب وزينيها
اما
بالفستق الصحيح والمطحون وحبات الزبيب
او الجوز والزعفران
او بالكرز المجفف الاحمر اللى فى الجمعية
اقتراحات التنكيه والتلوين
ممكن اتضيفين اثناء الطبخ 3 او 4 ملاعق كاكاو بودره ويصير مهلبية بالكاكاو
وممكن اضافة شربت ماي ورد بدال الماي وبيصير لونه وردي
او اي ملون طعام
فى هالحالة الافضل التزيين ايكون بالكريمة البيضا او الدريم ويب مع انى مااحبه
وممكن بنفس المقادير بالضبط اتبدلين النشاء بالكاسترد الاصفر اللذيذ اللى فى العلب
ويكون مثل هذي الصورة
والتزيين ممكن ايكون بالكريما البيضا او الفراولة او الجام لاحمر مع الفستق المبشور او صلصلة الكاكاو السائلة وافتحي لخيالك العنان واناملك الابداع
ثانيا : الجيلي
طبعا المقادير مكتوبة على العلبة ولكن انا اخفف الماي اذا مكتوب كوب احط كوب الا ربع عشان ايصير غليط ويربط معاي بسرعة
واحلى شي الجيلى لما يتزين بالفواكه وخاصة الاناناس والكيوي والموز
اذا حبيتى اتسوين حركة فى الجيلى وتعطينه قوام ولون مب شفاف ممن تحطين معاه علبة قشطه اثناء ما هو على النار وتخلطينها عدل لحد ما ايذوبون فى بعض وتخلينه يبرد
اهم شي فى تزيين الجلي انج تتأكدين انه جامد عشان ا ماتغوص حبات الفواكه تحت
ثالثا : الكريم كراميل
الطريقه :
علبتين كريم كراميل
3 فنجان سكر 2 كاس حليب بودر 4 ونص كاسات ماي
الطريقه :
نخلط الحليب البودرة مع الماء ونحطهم على النار مع مسحوق الكريم كراميل والسكر ونحركهم لحد ما يغلي شوي طبعا انكون مجهزين القوالب بسائل السكر البني الموجود فى الباكيت ونحطه فى الثلاجة لحد ما يجمد
انا زينته بجوز الهند وحلاوة امز آند امز الحجم الميني
وبجوز الهند مع الزبيب
رابعا : قوالب الكاكاو
طعهمها روووووووووعه
عملتنى هالطبق بنتى الصغيرة عاد هى ناسية شايفة منو فديتها
والطريقة ولا اسهل .. والنتيجة ولا اروع
باختصار ..طعم وشكل راقي
علبة قشطه + كاكاو نيوتلا
اخطلي على كيفج لحد ما توصلين للون اللى يعجبج
اذ بغيتيه غامق زيدى النوتيلا واذا فاتح زيدى القشطه وانا عادة اسويه 3 درجات
واستخدم الفاتح لتزين لغامق والعكس >> وشوية ككاو فليك ومالتيز فى التزيين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحين بخليكم مع صور متنوعة للسويتات بتزينات مختلفة
__________________________________________________ __________
>>>> الرد الثاني :
والحين الكب كيك اللى اغلب البنات سألوني عنه على الخاص
شوفوا هشاشته
المقادير:
نص كوب زبدة
2/3 كوب سكر
3 بيضات
1 ملعة شاي فانيلا (السائلة)
1 ونص كوب طحين (لكل الاستعمالات)
1 ونص ملعقة شاي بيكينغ باودر
ربع ملعقة شاي ملح
1/4 كوب حليب
الطريقة
افتحي الفرن وخليه جاهز
اخلطي الزبدة مع السكر لين الخليط يصير خفيف.. بعدين ضيفي بيضة ورا بيضة مب كلهم مع بعض.. كل ما تضيفين وحدة اخلطيها عدل.. بعدها ضيفي الفانيلا
حطي هذا الخليط في المكسروفي وعاء ثاني ضيفي الطحين والبكينغ باودر والملح مع بعض.
خلي المكسر (جهاز الخلط) على سرعة واطية وبالتناوب ضيفي خليط الطحين والحليب.. على ثلاث اضافات.. شرط ان تبتدين وتنتهين بالطحين.. طحين حليب طحين حليب طحين .. الخ
ضيفي بالتساوي خليط الكب كيك في القوالب الورقية.. ودخليه الفرن لمدة 18-20 دقيقة او لين شفتيه استوى.. (جربي حطي عود اسنان اذا ماعلق فيه شي معناته استوى).. طلعيه من الفرن وبالعافية عليج
هالطريقة انا كنت ماخذتنها من النت ومعتمدتنها اللي يجرى صاحبتها كل خير
وهذي النتيجة
او اي كيكة ناجحة عندكم حطوها فى القوالب الصغيرة وبتستوي كب كيك
واتفننوا
ساده / بالكاكاو / بالبرتقال / بالجزر / بالتمر
وماشاء الله البنات ما مقصرين فى وضع اشكال والوان للكريمات
تم الموضوع بحمدلله ..
__________________________________________________ __________
>>>> الرد الثالث :
الله يعطيج العافية
__________________________________________________ __________
>>>> الرد الرابع :
المشاركة الأصلية كتبت بواسطة (( عيون ))
الله يعطيج العافية
تسلمين الغالية نورتى الموضوع
__________________________________________________ __________
>>>> الرد الخامس :
;;;لا اله الا انت سبحانك اني كنت من الظالمين;;;
رد مع اقتباس
