عنوان الموضوع : ♥الكحك بالعجوة والملبن تعالو اتفضلو بالصور☺☺ من مطبخي
مقدم من طرف منتديات الضمير العربي
[CENTER]كيفكم يا حلويين اليوم انا جت ف دماغى اعمل كحك صحيح احنا مش ف العيد بس بينفع بردة ولة طعم خاص عن باقى الحلويات
فقلت اصورة عشان فى كتير سألونى عن الطريقة
بس اعذرونى ف خطواط معرفتش اصورها من العيال وعشان بعمل وانا لوحدى
المهم ندخل ع الطريقة:
المقادير:كيلو دقيق-نص كيلو سمن(من نوع فاخر)-نص كوب لبن للعجن-معلقة كبيرة خميرة-ربع معلقة صغيرة ملح
اى روائح تحبيها انا استخدمت روح اللوز وروح الموز بتعطى ريحة حلوة-ربع كوب سمسم-ملبن (حلاوة الحلقوم)-عجوة(معجون تمر)
الطريقة
ننخل الدقيق ونضيف الملح ونخلطة ونعمل حفرة ف الوسط نضيف فيها السمسم ولازم يكون دة ف اناء معدن عشان الخطوة الى بعدها
نسيح السمن ف اناء ع النار ودة عشان لما الكحك يطول ف البيت ما يخرب يعنى بيحفظة لمدة توصل ل3شهورونعرف ان سخنلو حطينا فبة قطعة خبز واحمرت كدة يكون جاهز
بعدها وبحذر شديد ضيفى السمن ع الدقيق فوق السمسم وانتبهى جيدا
لانة بيفور
قلبى بمعلقة خشب لانة حار جدا لما يختلط الدقيق بالسمن واتركية يبرد
فى الفترة دى جهزى الحشوات وذلك باضافة العجوة ع النار مع معلقة سمن عشان تكوت طرية وتخرج من الفرن طرية ولو حابة شوية سمسم
وبتكون بالشكل دة
والملبن ضيفى لة سمن بس من غير ما نضعة ع النار وهو بارد اعجنية وبردة انا حطيت لة سمسم
ممكن تجهزية وتعملية كور صغيرة جاهزة ع الحشو بس انا نسيت اصور الخطوة دى
بعد ما الدقيق والسمن يبقى داقى وتقدر تحطى ايدك فية افركية ما بين راحة ايديكى والخطوة دى مهمة اوى لانها بتدينا عجينة متماسكة ف الاخر
ومع الخطوة دى وانتى شغالة جهزى نص كوب البن وتكون دافية وضيفى لها معلقة سكر والخمير وسبيها ع جنب
بعد ماتنتهى من فرك العجين وتحسى انها بردت يادوب دافية بسيط ضيفى الخميرة واعجنى تانى كويس احنا مش بنزيد السائل عشان
الكحك يكون ناعم ويدوب ف الفم عند الاكل
استنو متردوش لسة الباقى
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الان حنشكل الكحك بالحج الى نحبة ولازم وانتى شغالة تغطى العجين وتاخدى حبة حبة ع قد ما حا تشكل وهنا حنخلص كالتشكيل بعدها حنخبزة يعنى احنا مش حنخمر العجين قبل التشكيل
حنسيبة ف الصوانى يرتاح وبعد ما نخلص نخبز اول مجموعو خلصناها
ودة شكلة لما طلع من الفرن انا سبتة لما اتغير لونة بسيط عشان مينشفش
ودة من جوة شايفين الملبن سايح وجميل جوة ازاى
ودى بالعجوة
ودة طبق مشكل بالسكر البودرة للعسل الجميلة الى حترد عليا وتعلق
واخيرا استودعكم الله وشكرا عشان تملى بتشجعونى وبتعجبكم اكلاتى المتواضعة
[/IMG]
__________________________________________________ __________
>>>> الرد الثاني :
رووووووووووووعة
خاطري فيه بس نص المقادير ما عرفت لهاا ملبن ووو
المهم حلووو اكلي بدالي
__________________________________________________ __________
>>>> الرد الثالث :
يعطيج الف عافيه حبيبتي
من زمااان كنت ادور طريقتها
كلتها مرة عن اخت مصريه و تخبلت عليها
مشكورة واكيييد بجربها 
__________________________________________________ __________
>>>> الرد الرابع :
قولى لى عاوزة اية بس ف المقادير
الملبن نوع من الحشوات بس ف بلاد تانية اسمة (راحة الحلقوم)وبيكون مكتوب علية اسمة ف المول
__________________________________________________ __________
>>>> الرد الخامس :
رد مع اقتباس
